వంకాయ.. మానవ ఆరోగ్యానికి దివ్యౌషధం!

Posted: 11/06/2014 03:19 PM IST

వంకాయ... సహజంగానే ఇందులో అత్యంత పోషక విలువలు నిల్వవుంటాయి. ఇతర పదార్థాలతో పోల్చుకుంటే వంకాయలోనే మోతాదుకు మించి ఖనిజాలు, విటమిన్లు, ఇంకా ఇతర పోషక విలువలు పుష్కలంగా వుంటాయి. అందుకే.. దీనిని మానవ  ఆరోగ్యానికి దివ్యౌషధంగా పరిగణిస్తారు. దీనిని ఇప్పటినుంచే కాదు... పురాతనకాలం నుంచి ఆహారపదార్థాలతో వండుకుని తినేవారు. దీని ప్రాముఖ్యత రానురాను వ్యాప్తి చెందడంతో ప్రపంచవ్యాప్తంగా వున్న అగ్రరాజ్యాలు వంకాయను సాగుచేస్తున్నారు. అంతటి అభివృద్ధి చెందిన ఈ వంకాయతో ఎన్నో ఆరోగ్య ప్రయోజనాలు కలుగుతాయి. మరి అవేమిటో తెలుసకుందాం...

1. గుండె ఆరోగ్యం :  వంకాయలో ఉండే ఫోలేట్, మెగ్నీషియం, పొటాషియం, విటమిన్ B3-B6 యాంటీఆక్సిడెంట్లు, బీటా కెరోటిన్ వంటి ఇతర పోషకాలు పుష్కలంగా వుంటాయి. ఇవి స్ట్రోక్, గుండెపోటు ప్రమాదాన్ని తగ్గిస్తాయి. ముఖ్యంగా పోటాషియం శరీరంలో హైడ్రేట్లు, ద్రవాలు నిలువను తొలగించి.. గుండె వ్యాధులను నిరోధిస్తుంది. అలాగే ఇందులో ఉండే ఫుతో న్యూట్రియంట్స్ కొలెస్ట్రాల్ ని తగ్గించడానికి... రక్త ప్రవాహాన్ని మెరుగుపరచటానికి సహాయపడుతుంది.

2. మెదడు ఆరోగ్యం : వంకాయలో వుండే ఫోటో న్యూట్రియంట్స్ అనేవి ఫ్రీ రాడికల్, ఆక్సీకరణ ఒత్తిడి నష్టం నుండి కణత్వచంను రక్షిస్తాయి. నాడీ చర్య సులభతరం, షార్ప్ మెమరీ విధులు ఉంటాయి. B కాంప్లెక్స్ విటమిన్లు ఒత్తిడి లేకుండా విధులను నిర్వహిస్తాయి.

3. బరువు తగ్గడం : వంకాయలో అధిక నీరు, తక్కువ కేలరీలు ఉంటాయి. అలాగే ఇందులో పైబర్ ఎక్కువగా ఉండుట వల్ల ఎక్కువసేపు కడుపు నిండిన అనుభూతి ఉంటుంది. చక్కెర స్థాయిలను నిర్వహిస్తుంది... విష వ్యర్థాలను తొలగిస్తుంది... జీవక్రియ విరుగుడుగా అధిక వేగంతో కేలరీలును బర్న్ చేస్తుంది.

4.  పైల్స్ చికిత్స : వంకాయ తల (పైన ఉన్నఆకుపచ్చ) దీర్ఘ కాల పైల్స్, హేమరాయిడ్స్(పురీషనాళం యొక్క సిరలు) చికిత్స కోసం ప్రాచీన సంప్రదాయ వైద్యంలో వాడుతున్నారు.

5. జుట్టు సంరక్షణ : వంకాయలో మినరల్స్, విటమిన్లు, నీరుశాతం అధిక మోతాదులో వుండటం వల్ల తలపైనున్న చర్మానికి లోతుగా పోషణను అందిస్తుంది. జుట్టు చివరల చీలికలను నిరోదిస్తుంది... జుట్టును ఆరోగ్యంగా బలంగా ఉంచుతుంది.

6. శరీర దుర్వాసనను నివారిస్తుంది : వంకాయలను బాగా పిండి రసాన్ని తయారుచేసుకోవాలి. ఆ రసాన్ని అరచేతులు, అరికాళ్ళకు రాసుకుంటే చాలా మంచిది. అలాగే దుర్వాసన వచ్చే ప్రదేశాల్లో రాసుకుని, కొద్దిసేపటి తర్వాత శుభ్రం చేసుకుంటే వాసన పోతుంది.

7. కోలన్ క్యాన్సర్ నివారణ : వంకాయలో ఉండే ఫైబర్ శరీరంలో వుండే విష రసాయనాలను పీల్చుకుని.. పెద్దప్రేగు కాన్సర్ ప్రమాదంను తగ్గిస్తుంది. అలాగే ఇందులో వుండే యాంటీ ఆక్సిడెంట్ సమ్మేళనాలు, చ్లోరోగేనిక్ యాసిడ్ వంటివి శరీరంలో ఫ్రీ రాడికల్స్ మీద పోరాటం చేస్తాయి. క్యాన్సర్ కణాలు ఆహారం పెరుగుదల మరియు రక్త నాళాల పెరుగుదలను నివారిస్తుంది.