‘‘అల్లం-టీ’’తో ఎన్నో ఆరోగ్య ప్రయోజనాలు!

Posted: 11/05/2014 05:04 PM IST

మానవశరీరానికి కావలసిన ఔషధాలు ‘‘అల్లం’’లో పుష్కలంగా వుంటాయి. దీని ద్వారా తయారుచేసుకున్న టీని ప్రతిరోజూ సమయానుకూలంగా తాగితే అజీర్ణం, వాపు, మైగ్రేన్లు, విరేచనాలు వంటివాటితోపాటు ఇతర ఆరోగ్య సమస్యలు దూరమవుతాయి. దీనిని కేవలం ఇండియాలోనేకాదు.. ప్రపంచవ్యాప్తంగా ఒక దివ్యౌషధంగా దీనిని ఉపయోగిస్తారు. 3000 సంవత్సరాల పురాతన చైనీస్ మందులలో దీనిని ఉపయోగిస్తున్నారంటే.. అల్లం ఆరోగ్యానికి ఎంత అవసరమో అర్థం చేసుకోవచ్చు. దీనిని ఆయుర్వేదంలో కూడా వాడుతారు. అల్లంలో పొటాషియం, మెగ్నీషియం, విటమిన్లు B6, సి సమృద్ధిగా లభ్యమవుతాయి కాబట్టి.. శరీరంలో శక్తిని పెంచేందుకు ఇవి ఉపయోగపడుతాయి. అటువంటి అల్లంను టీ లో కలుపుకుని తాగితే ఎన్నో ఆరోగ్య ప్రయోజనాలు కలుగుతాయి. మరి అవేమిటో తెలుసుకుందాం...

1. వికారం నుంచి ఉపశమనం : కొంతమందికి ప్రయాణం చేస్తున్నప్పుడు లేదా సాధారణ సమయాల్లో అప్పుడప్పుడు వికారం వస్తున్నట్లుగా వుంటుంది. అలాంటప్పుడు అల్లం టీ ఒక కప్పు త్రాగితే ఎంతో శ్రేయస్కరం.

2. జీర్ణక్రియ అభివృద్ధి : జీర్ణక్రియ అభివృద్ధి, ఆహార శోషణ పెంచటానికి ఉపయోగకరంగా ఉంటుంది. అంటే... కడుపు సమస్యను చాలా త్వరగా నివారిస్తుంది. భోజనం చేసిన తర్వాత వచ్చే అల్లం టీ తాగితే.. వచ్చే ఉబ్బరంను తగ్గిస్తుంది.

3. నొప్పి తగ్గిస్తుంది : అల్లంలో శోథ నిరోధక లక్షణాలు వుండటంవల్ల కండరాలు, కీళ్ళ సమస్యలకు ఒక ఆదర్శవంతమైన గృహ వైద్యంగా పనిచేస్తుంది.

4. శ్వాసకోశ సమస్యను తగ్గిస్తుంది : అల్లం టీ జలుబు రద్దీని తగ్గించటానికి సహాయపడుతుంది.

5. రక్త ప్రసరణను మెరుగుపరుస్తుంది : అల్లం టీలో ఉన్న విటమిన్లు, ఖనిజాలు, అమైనో ఆమ్లాలు రక్త ప్రసరణ మెరుగుపరచడంతోపాటు పునరుద్ధరించడానికి సహాయపడుతాయి. అలాగు గుండెపోటు, స్ట్రోక్ వంటి సమస్యలను నివారించడానికి ధమనులలో ఉండే కొవ్వును నిరోధించటానికి అల్లం సహాయం చేస్తుంది.

6. రోగనిరోధక శక్తి పెరుగుతుంది : అల్లంలో అధిక స్థాయిలో అనామ్లజనకాలు ఉండుట వల్ల రోగనిరోధక శక్తి బలోపేతం చేయటానికి సహాయపడుతుంది.