త్వరగా బరువును తగ్గించుకునే అద్భుత మార్గాలు

Posted: 09/24/2014 05:52 PM IST

(Image source from: the healthy food items which helps to loss body weight)

ప్రస్తుతం సాంకేతిక రంగంలో పనిచేస్తున్న ఉద్యోగస్తులు అనేకరకాల వ్యాధులబారిన పడుతున్నారు. ముఖ్యంగా ఎక్కువ కష్టం లేకుండా ఒకేచోట కూర్చొని పనిచేయాల్సి వుంటుంది కాబట్టి.. ప్రతిఒక్కరికీ బొజ్జ సమస్య ఎక్కువైపోతోంది. ఆరోగ్య సూత్రాలను పాటించినప్పటికీ.. క్రమక్రమంగా వారి శరీర బరువు మాత్రం పెరుగుతూనే వుంటుంది. అలాగే వాతావరణ పరిస్థితులు కూడా శరీర ఆరోగ్యంపై ఎక్కువ ప్రభావాన్నిచూపుతాయి. దీంతో మనకు తెలియకుండానే శరీరంలో అదనపు కొవ్వు కూడా చేరడంతో బరువు పెరడం జరుగుతుంది. మరి ఈ సమస్య నుంచి బయటపడాలంటే సింపుల్ గా ఇంట్లోనే కొన్ని పద్ధతులను పాటిస్తే.. తక్కువ సమయంలోనే మంచి ఫలితాన్ని పొందవచ్చు.

1. వ్యాయామం : ఉదయం, సాయంత్రంవేళలో ప్రతిరోజూ గంటసేపు వరకు వ్యాయామం చేస్తే.. శరీరంలో పేరుకుపోయిన అనవసరమైన కొవ్వు క్రమంగా తగ్గుతూ వస్తుంది. ఫలితంగా శరీర బరువు వేగంగా తగ్గడానికి వీలుగా వుంటుంది.

2. భోజనం : చాలామంది రాత్రి సమయంలో డిన్నర్ చాలా ఆలస్యంగా చేస్తుంటారు. చేసిన వెంటనే ఠపీమని త్వరగా నిద్రపోతారు. ఇలా చేస్తే ఆరోగ్యం త్వరగా పాడవుతుంది.. అలాగే శరీర బరువు కూడా పెరిగిపోతుంది. కాబట్టి.. ఇలా కాకుండా సాధ్యమైనంత త్వరగా రాత్రి సమయంలో భోజనం ముగించడం మంచిది.

3. పంచదార మోతాదు : చక్కెరలో కేలరీలు చాలా ఎక్కువగా వుంటాయి. ఎక్కువ కేలరీలు వున్న పదార్థాలను తీసుకుంటే.. శరీరం వాటిని గ్రహించే బరువును పెంచుతుంది. తద్వారా చక్కెర తక్కువ మోతాదులో తీసుకుంటే మంచిది.

4. డిజర్ట్స్ : సాధారణంగా కొంతమంది డిన్నర్ కు ముందు స్నాక్స్, డిజర్ట్స్, పిజ్జాస్, బర్గర్ వంటివి సేవిస్తుంటారు. వాటిలో కేలరీలు ఎక్కువ మోతాదులో వుంటాయి. అవి శరీర బరువును పెంచడంతోపాటు అనారోగ్యానికి దారితీస్తాయి. కాబట్టి వీలైనంత త్వరగా వాటిని మానుకోవడం మంచిది.

5. ప్రోటీన్లు : కేలరీలు ఎక్కువగా వుండే ఆహారపదార్థాలను తీసుకోవడం కంటే ప్రోటీన్లు ఎక్కువగా వుంటే వాటిని తీసుకోవడం మంచిది. ఇవి శరీరానికి శక్తినివ్వడంతోపాటు బరువును అదుపులో వుంచుతాయి.