మధ్యవయసు అనేది బరువూ, బాధ్యతలతో కూడిన జీవితం! ఇటువంటి సమయంలోనే జీవితానికి కావలసిన లక్ష్యాలు, పిల్లల చదువులు, వారి పెళ్లిళ్లకు అయ్యే ఖర్చులు వంటి ప్రణాళికలు చేసుకోవాలి. ఈ విషయాలన్నింటినీ ఒక పద్ధతి ప్రకారం కొనసాగిస్తే.. ఆర్తికంగా వచ్చే సమస్యలను సాధించి, జీవితాన్ని ముందుకు సాధించవచ్చు. 

మధ్యవయస్కులో వున్నవారు సాధ్యమైనంతవరకు తమ డబ్బును మదుపు చేసుకునే ప్రయత్నం చేయాలి. మీ ఇంటినుండి మొదలు పదవీ విరమణదాకా అన్ని విషయాలలో జాగ్రత్తను వహించాలి. పదవీ విరమణ తరువాత కష్టాలను అధిగమించేందుకు తగిన పథకాలను అమలు చేసుకోవడం చాలామంచిది. పథకాలలో వున్న లొసుగులను క్షుణ్ణంగా పరిశీలించిన తరువాత క్రమం తప్పకుండా మదుపు చేసుకోవాలి. 

అదేవిధంగా పిల్లల చదువులకు, వారికి భవిష్యత్ లో అవసరమైన కార్యక్రమాలను, వారి పెళ్లిళ్లకు కావలసిన డబ్బులను ఒక ప్రణాళిక ప్రకారం మదుపు చేయాలి. పెట్టుబడి పెట్టే విధానాలలో చాలావరకు వైవిధ్యంగా వుండేందుకు ప్రాధాన్యమివ్వండి. దీంతో ఒకదాంట్లో వచ్చే నష్టాన్ని ఇంకొక దానితో అధిగమించేందుకు సులభంగా వుంటుంది. 

సాధారణంగా మధ్యవయస్కులో వున్నవారికి అనారోగ్య సమస్యలు వచ్చే ఆస్కారం చాలావరకు వుంటుంది. బీపీ, గ్యాస్, షుగర్, గుండెపొటు వంటి వ్యాధులు ఇటువంటి వయస్సువారికే ఎక్కువగా సంభవించే అవకాశం వుంది. పైగా అనారోగ్యం బారిన పడటం వల్ల దానికి కొంచెం డబ్బును కూడా వెచ్చించాల్సి వుంటుంది. అటువంటి సమయాల్లో అత్యవసర నిధిని నిల్వవుంచుకోవడం చాలా అవసరం. అలా డబ్బును నిల్వవుంచుకునే కొన్ని పథకాలు కూడా మనకు అమలులో వున్నాయి. వచ్చే ఆదాయంలో కొద్దిలోకొంతైనా మదుపు చేసుకోవాలి. అయితే పథకాలను తీసుకునే ముందు కొన్ని జాగ్రత్తలు తీసుకుంటే మంచిది. 

సాధ్యమైనంతవరకు మీరు తీసుకున్న అప్పును తీర్చుకోవాలి. అలాగే అవసరానికి మించి డబ్బు ఒకవేళ అవసరమైతే.. అప్పుడు అప్పు తీసుకునే ముందు ఒకటికి రెండుసార్లు ఆలోచించి తీసుకోవాలి. చిన్నచిన్న సందర్భాలకు తాత్కాలికంగా అప్పులు తీసుకుంటూపోతే.. వాటి రుణాలు దీర్ఘకాలికంగా పెరిగే అవకాశం చాలావరకు వుంది. గృహరుణాలు, క్రెడిట్ కార్డులు, వాహన రుణాలు వంటివి వీలైనంత త్వరగా తీర్చేయాలి. 

మధ్యవయస్సులో వున్నవారికి ఇప్పటికే చాలా బాధ్యతలు తీరివుంటాయి. అయితే భవిష్యత్ లో ఇంకా అవసరమయ్యే మొత్తాన్ని ఒక ప్రణాళిక ద్వారా మదుపు చేసుకోవడం ప్రారంభించండి. పదవీ విరమణ తరువాత కూడా ఏవైనా పెట్టుబడులు పెట్టుకోవాలనే ప్రణాళికలు సిద్ధం చేసుకోవాలి.