ప్రస్తుతకాలంలో మారుతున్న పరిణామాలకొద్దీ మహిళలు కూడా అనేక రంగాల్లో తమ ప్రతిభను చాటుకుంటున్నారు. కుటుంబపరమైన ఇబ్బందులను, హఠాత్తుగా వచ్చే పరిణామాలను ఎదుర్కోవడంలో మహిళలు ఎన్నో జాగ్రత్తలను వహిస్తున్నారు. ఆర్థికపరమైన రంగాలలో కూడా మహిళలే ముందు వున్నారు. అయితే కొంతమంది మహిళలు ఆర్థిక విషయాల గురించి ఏమీ పట్టించుకోరు. అటువంటి సమయాల్లో వచ్చే ఆర్థిక ఇబ్బందులను ఎలా సమర్థించాలో వారికి అర్థం కాదు. దీంతో కొంతమంది మానసిక పరిస్థితికి గురయి తరుచూ గొడవపడ్డం జరుగుతుంది. అలాకాకుండా మహిళలు ఆర్థిక విషయాల్లో చురుకుగా పాల్గొనేందుకు నిపుణులు కొన్ని సలహాలు ఇస్తున్నారు.
ప్రస్తుత పరిస్థితుల నేపథ్యంలో మహిళలు పొదుపు, పెట్టుబుడలు, ఖర్చులకు సంబంధించిన ఆర్థిక ప్రణాళికల గురించి అవగాహన పెంచుకోవాలి. అలాగే జీవత భాగస్వామితో ఆర్థిక విషయాలలో చురుకుగా పాల్గొనాలి.
కొంతమంది మహిళలు పెళ్లికాకముందు తమ ఉన్నత చదువులు చదువుకొన్ని తరువాత ఉద్యోగాలు చేస్తుంటారు. అందుకు వచ్చే వారి కష్టార్జితాన్ని కుటుంబ ఖర్చులకే కేటాయిస్తుంటారు. అయితే భవిష్యత్ లో వైవాహిక జీవితం వల్ల కొన్నాళ్లపాటు ఉద్యోగాన్ని మానేయాల్సి వుంటుంది. ఆ తరువాత కూడా సంతానం కలగడం వల్ల, ఇతర కుటుంబ కార్యక్రమాల వల్ల ఉద్యోగం చేసుకోవడం వీలు కాదు. అటువంటి సమయాల్లో మహిళలు పెళ్లికాకముందే సంపాదిస్తున్న మొత్తంలో కొంతవరకు మదుపు చేసుకోవాలి. దీనికి సంబంధించి క్రమం తప్పకుండా ఒక ఆర్థిక ప్రణాళికను సిద్ధం చేసుకోవడం చాలా మంచిది.
అలాగే కొంతమంది మహిళలు అయితే.. ‘‘ఆర్థిక విషయాల గురించి నేను పట్టించుకోను’’ అని అంటుంటారు. తమ జీవిత భాగస్వామితో ఆర్థిక విషయాల గురించి చర్చించుకోవడానికి భయపడతారు లేదా మొహమాటపడతారు. కానీ ఇటువంటి తప్పిదాలు ఎప్పుడూ చేయకూడదు. మీకు కూడా అందులో సమానమైన హక్కు వుంది కాబట్టి ఆర్థిక విషయాల గురించి మీ జీవిత భాగస్వామితో అడిగి తెలుసుకోవాల్సిన బాధ్యత మీకుంది. ప్రతి ఒక్క విషయంలోను అంటే పెట్టుబడులలో, మదుపు చేయడం వంటివాటి గురించి తెలుసుకోవాల్సిన హక్కు కూడా మీకుంది.
చాలామంది ఉద్యోగ మహిళలు తమ కుటుంబసభ్యుల శ్రేయస్సు కోసం ఎంతో ఆలోచిస్తుంటారు. అన్ని విషయాలలో వారికి సహకరిస్తారు. కానీ రిటైర్ మెంట్ తరువాత వచ్చే కష్టాలను అధిగమించాలంటే.. దానికి సంబంధించిన ప్రణాళికలు అమలు చేసుకోవాలి. డబ్బులను ఎక్కువ ఖర్చు చేయకుండా మిగిలిన డబ్బులను వీలైనప్పుడు పొదుపు చేసుకోవాలి.
మొదటగా మీరు ఆర్థిక విషయాలలో నిలబడాలంటే.. వాటిని ఎలా పొదుపు చేయాలన్న స్పష్టతను కలిగివుండాలి. ఒక నిర్దేషమైన లక్ష్యంతో డబ్బును మదుపు చేసుకోవాలి. భవిష్యత్ లో వచ్చే ఇబ్బందులను ఎదుర్కునేందుకు ఇటువంటి లక్ష్యాలు ఎంతో సహాయపడుతాయి.
పెట్టుబడులు పెట్టుకున్న తరువాత కొంతమంది వాటిగురించి పట్టించుకోవడం మానేస్తారు. పరిస్థితులు మారుతున్న నేపథ్యంలో మార్కెట్ లలో వుండే పెట్టుబడి పథకాలు తరుచుగా మార్పులు అవుతుంటాయి. కాబట్టి, పెట్టుబడులను ఎప్పటికప్పుడు సమీక్షించుకోవడం చాలామంచింది.
ఇలా అనేకరంగాలలో మహిళలు తమ అవగాహన పెంచుకోవాలి. మగవారి మీదే ఆధారపడి వుండకుండా.. మహిళలు కూడా ప్రత్యేకమైన ప్రణాళికలు చేబడితే భవిష్యత్ లో వచ్చే ఆర్థిక ఇబ్బందులను ఎంతో సమర్థవంతంగా ఎదుర్కోవచ్చునంటున్నారు నిపుణులు.
(And get your daily news straight to your inbox)
Jun 13 | మానవ జీవితంలో అత్యంత ముఖ్యమైన దశ టీనేజ్. ఈ యుక్తవయస్సులో భవిష్యత్తు కార్యాచరణకు అవసరమయ్యే అన్ని సౌకర్యాలను కల్పించుకోవచ్చు. విందు - వినోదాలతోపాటు ప్రపంచ విజ్ఞానాన్ని సంపాదించుకోవడానికి వీలుగా వుండే ఈ వయస్సు... ప్రతి... Read more
May 06 | ప్రతిఒక్కరూ తమ జీవితంలో ఏదోఒకటి సాధించాలని అనుకుంటూ వుంటారు. తమ కెరీర్ తామే ముందుకు కొనసాగించాలనుకుంటారు. ఇతరులమీద ఆధారపడకుండా తమ సొంత ప్రణాళికలతో జీవన విధానాన్ని కొనసాగించాలని అనుకుంటారు. సొంతంగా వ్యాపారాలు లేదా పెట్టుబడులను... Read more
Apr 24 | ప్రస్తుతకాలంలో కార్పొరేట్ సంస్థల హవా చాలా జోరుగా సాగుతోంది. ప్రతిఒక్కరు ఇటువంటి పెద్ద కార్పొరేట్ కంపెనీలలో పనిచేయడానికి ఎక్కువ మక్కువ చూపుతారు. ముందుగా మహిళలు ఇటువంటి వ్యవహారాలలో చాలా ముందున్నారు. మగవారికి ధీటుగా ఆడవాళ్లు... Read more
Apr 22 | కొంతమంది యువకులు జీవితంలో ఏదో సాధించాలనే నెపంతో ముందుకు నడుస్తుంటారు. మరికొందరు జీవితంలో ఏది దొరికితే దానితోనే సంతృప్తిని పొందుతుంటారు. మరికొందరు విభిన్నంగా చేస్తున్న పనిలోను, ఉద్యోగంలోను ఒక మంచి ఉన్నత స్థానాన్ని పొందాలని... Read more
Apr 10 | ప్రస్తుతకాలంలో మహిళలు కూడా మగవారికి సమానంగానే గట్టిపోటీని ఇస్తున్నారు. వారు కూడా మగవారిలాగా ఆఫీసు పనులలో నిమగ్నమై విజయాలను సాధిస్తున్నారు. అయితే ఈ క్రమంలోనే ఆఫీసు పని ఎక్కువగా వుండటం వల్ల తమ వ్యక్తిగత... Read more