లండన్ వీధుల్లో ఎన్టీఆర్ రొమాన్స్..

Posted: 07/15/2015 12:36 PM IST

Jr ntr romance with rakul preet singh in london busy roads

యంగ్ టైగర్ ఎన్టీఆర్.. సినిమా సినిమాకి తనలోని ప్రత్యేక వేరియేషన్స్ ని ప్రేక్షకజనాలకు పరిచయం చేసి ఆదరణ పొందుతున్న ఎనర్జటిక్ హీరో. తన నటనతో, డ్యాన్సింగ్ తో, స్టైలిష్ తో తెలుగురాష్ట్రాల్లో ఎంతోమంది అభిమానులను సంపాదించుకున్నాడు. విభిన్న పాత్రల్లో నటిస్తూ తనకంటూ ప్రత్యేక గుర్తింపు తెచ్చుకున్నాడు. ఆమధ్యలో వరుసగా ఫ్లాపులు వచ్చినప్పటికీ.. ఈ హీరో క్రేజ్ ఏమాత్రం తగ్గలేదు. అందుకు ‘టెంపర్’ సినిమాయే ఎగ్జాంపుల్. ఆ చిత్రం అఖండ విజయం నమోదు చేసుకుని ఎన్టీఆర్ ఇమేజ్ ఏంటో నిరూపించింది. ఇక నేటివిటికి అనుగుణంగా ఈ హీరో కూడా సరికొత్త ప్రయోగం చేస్తున్నాడు.

ప్రస్తుతం జూనియర్ ఎన్టీఆర్ హీరోగా సుకుమార్ దర్శకత్వంలో ఓ మూవీ చేయనున్న విషయం తెలిసిందే. ‘నాన్నికి ప్రేమతో’ అనే టైటిల్ పరిశీలనలో వున్న ఈ మూవీలో ఎన్టీఆర్ సరికొత్త లుక్ లో కనిపించనున్నాడు. ఇప్పటికే అతని సరికొత్త లుక్స్ ఇంటర్నెట్ లో తెగ హల్ చేస్తున్నాయి. గతంలో మునుపెన్నడూ ఏ హీరో కనిపించని సరికొత్త గెటప్ లో ఎన్టీఆర్ కనిపించి.. తన చిత్రంపై అభిమానుల్లో మరింత ఆసక్తి రేకెత్తించాడు. ఇక ఈ చిత్రం విషయానికొస్తే.. ఈ మూవీ షూటింగ్ లండన్ లో గతకొన్ని రోజుల నుంచి జరుగుతోంది. ప్రస్తుతం ఆ సినిమాలోని తన ప్రేయసి రకుల్ ప్రీత్ సింగ్ తో కలిసి ఎన్టీఆర్ రొమాన్స్ చేస్తున్నాడు. అంటే.. వీరిమధ్య కొన్ని రొమాంటిక్ సన్నివేశాలతోపాటు లండన్ వీధుల్లో ఓ పాటను చిత్రీకరిస్తున్నారు. రాజు సుందరం నృత్య సారథ్యంలో ఈ పాటను ఎన్టీఆర్, రకుల్ జంటపై లండన్ బిజీ రోడ్లపై షూట్ చేస్తున్నారని సమాచారం. ఈ నెల 20వ తేదీన వరకు ఈ షూటింగ్ అక్కడే కొనసాగుతుంది.

ఇదిలావుండగా.. ఈ చిత్రాన్ని వచ్చే ఏడాది సంక్రాంతి పండుగ సందర్భంగా విడుదల చేయాలని దర్శకనిర్మాతలు సన్నాహాలు చేస్తున్నారు. అందుకే.. షెడ్యూల్ ప్రకారం రెగ్యులర్ షూటింగ్ నిర్వహిస్తున్నట్లుగా చిత్రబృందం చెబుతోంది. ఈ చిత్రంలో ఎన్టీఆర్ లుక్స్ అందరినీ కట్టిపడేస్తాయని.. సినిమా కథ కూడా చాలా కొత్తగా సాగుతుందని అంటున్నారు. ఎన్టీఆర్ కూడా ఈ సినిమాపై భారీ అంచనాలే పెట్టుకున్నాడు.