ఎన్టీఆర్ ప్రేమను రాజేంద్రప్రసాద్ తండ్రిగా స్వీకరిస్తారా?

Posted: 06/20/2015 03:37 PM IST

Rajendra prasad bags father role to ntr in nannaku prematho movie

ఒకప్పుడు తన కామెడీ సినిమాలతో ప్రేక్షకులను అలరించిన నటుడు రాజేంద్రప్రసాద్.. ఇప్పుడు క్యారెక్టర్ ఆర్టిస్టుగా భిన్నపాత్రలను పోషిస్తున్నారు. ఒక తండ్రిగా, శాడిస్టుగా, విలన్ గా, కన్నింగ్.. ఇలా రకరకాల పాత్రల్లో నటిస్తున్నారు. ఆయా పాత్రలకు ఆయన పూర్తి న్యాయం చేస్తాడనే ఉద్దేశంతో దర్శకనిర్మాతలు ఈయన్ను ఎంపిక చేసుకుంటుంటారు. ఆ తరహాలోనే ఇప్పుడు మరో అరుదైన ఆఫర్ రాజేంద్రప్రసాద్ కు వరించిందని వార్తలొస్తున్నాయి. జూనియర్ ఎన్టీఆర్ తాజా చిత్రంలో అతనికి తండ్రిగా నటించే ఆఫర్ రాజేంద్రప్రసాద్ కు దక్కినట్లు ప్రచారం జరుగుతోంది.

ప్రస్తుతం ఎన్టీఆర్ దర్శకుడు సుకుమార్ దర్శకత్వంలో రూపొందుతున్న చిత్రంలో నటిస్తున్నాడు. వీరి కాంబోలో తెరకెక్కుతున్న సినిమాకి ‘నాన్నకి ప్రేమతో’ అనే టైటిల్ పరిశీలనలో వుంది. ఈ టైటిల్ ను బట్టి చూస్తుంటే.. తండ్రీకొడుకుల అనుబంధానికి అద్దంపట్టే విధంగా ఈ చిత్రం రూపొందుతున్నట్లు స్పష్టమవుతోంది. అంతేకాదు.. ఈ సినిమాలో ఏ విధంగా హీరో పాత్రకు ప్రాధాన్యత వుంటుందో అదేవిధంగా కథానాయకుడి తండ్రి పాత్ర కూడా అంతే ప్రాముఖ్యత సంతరించుకున్నట్లుగా కనిపిస్తోంది. అందుకే.. సినిమాకే ఎంతో ముఖ్యమైన ఆ తండ్రి పాత్రకి పూర్తి న్యాయం చేయగలిగే యాక్టర్ ఎవరా? అని దర్శకనిర్మాతలు పరిశీలించగా.. చివరగా రాజేంద్రప్రసాద్ ను ఎంచుకున్నట్లు పుకార్లు వస్తున్నాయి.

సన్నివేశాలకు తగ్గట్టు సహజత్వంతో కూడిన బలాన్ని రాజేంద్రప్రసాద్ అందిస్తాడనే ఉద్దేశంతో ఆయన్ని ఎంపిక చేసుకున్నారని ఫిలింనగర్ లో చెప్పుకుంటున్నారు. దాదాపు ఆయనే ఖరారైనట్లుగా ఇండస్ట్రీలో వార్తలు వినిపిస్తున్నాయి. అయితే.. ఆయన ఎన్టీఆర్ కి తండ్రిగా ఎంపిక అయినట్లుగా ఇంకా అధికారికంగా వెల్లడి కావాల్సి వుంది.