మంచు మనోజ్

Posted: 12/13/2014 05:45 PM IST

మంచువారి ఫ్యామిలీ నుంచి వచ్చిన ఈ హీరో.. వైవిధ్యభరితమైన కథాచిత్రాలతో ప్రేక్షకులను అలరిస్తుంటాడు. తాను తీసే ప్రతి ఒక్క చిత్రంలోనూ ఎంతో శ్రద్ధ పాటించే ఈ యువనటుడు.. సరికొత్త సబ్జెక్టులను టాలీవుడ్’కి పరిచయం చేస్తుంటాడు. రొటీన్ స్టోరీలకు, క్యారెక్టర్లకు భిన్నంగా తనదైన తరహాలో సినీ ప్రేక్షకులను సంతోషపెట్టడానికి ప్రయత్నాలు చేస్తుంటాడు. అందుకే.. ఇతనికి రాకింగ్ స్టార్ అనే బిరుదు కూడా లభించింది.

ఇక విషయానికొస్తే.. ఇటీవల ‘కరెంట్ తీగ’ సినిమాతో ప్రేక్షకుల ముందు వచ్చిన మనోజ్.. ఆ సినిమా అంతగా సక్సెస్ కాకపోయినా నటనపరంగా మనోజ్’కి మంచి మార్కులే పడ్డాయి. ఇప్పుడు మరో చిత్రానికి కూడా రెడీ అవుతున్నాడు. ‘బ్రదర్ ఆఫ్ భొమ్మాళి’ చిత్రాన్ని రూపొందించిన దర్శకుడు చిన్నికృష్ణ చెప్పిన కథ నచ్చడంతో ఆ సినిమా చేయడానికి మనోజ్ గ్రీన్ సిగ్నల్ ఇచ్చినట్లు సమాచారం! త్వరలోనే సెట్స్’పైకి తీసుకెళ్లేందుకు సన్నాహాలు చేస్తున్నారట!

మనోజ్’కు తగ్గట్టే ఈ సినిమా కూడా సరికొత్త కథాంశంతో కామెడీ ఎంటర్టైనర్’గా వుంటుందని ఇండస్ట్రీ వర్గాలు అంటున్నారు. ఎప్పుడూ ప్రత్యేక క్యారెక్టర్లలోనే నటించే మనోజ్.. ఈ సినిమాలో కూడా సరికొత్త అవతారంలో కనువిందు చేయనున్నారని చెప్పుకుంటున్నారు. ఈ మూవీకి సంబంధించి మరిన్ని వివరాలను త్వరలోనే అధికారికంగా వెల్లడికానున్నాయి. మరి ఇందులో మనోజ్ ఏ విధంగా ప్రేక్షకుల ముందుకు వస్తాడో వేచి చూడాలి..!

AS