ఊటి ఎర్రబస్సులో మంచు విష్ణు

Posted: 09/24/2014 06:11 PM IST

Manchu vishnu in ooty with errabassu team

హీరో మంచు విష్ణు ఊటిలో ఉన్నారు. ఆయన కొత్త సినిమా ‘ఎర్రబస్సు’ సినిమా షూటింగ్ కోసం ఊటికి వెళ్లారు. హీరోయిన్ కేథరిన్ తో మిగిలి ఉన్న రెండు పాటలను షూట్ చేయటానికి టీం అంతా ఊటిలో బిజీగా ఉంది. దాసరి నారాయణ రావు.., షూటింగ్ కోసం వణుకుతూ కూడా కుర్రాళ్ళకంటే బాగా చురుగ్గా పనిచేస్తున్నారు. కొద్ది రోజుల క్రితమే హైదరాబాద్ లోని రామోజి ఫిలిం సిటీలో చాలాభాగం సినిమా షూటింగ్ పూర్తయింది. ఈ రెండు పాటలు పూర్తయితే సినిమా షూటింగ్ అయిపోయినట్లే.

షూటిగ్ పూర్తయిన వెంటనే పోస్ట్ ప్రొడక్షన్ పనులు జరుగుతాయని హైదరాబాద్ లో అందుబాటులో ఉన్న సినిమా యూనిట్ వర్గాలు తెలిపాయి. నవంబర్ 14న సినిమాను రిలీజ్ చేసేందుకు సన్నాహాలు చేసుకుంటున్నారు. ఖచ్చితంగా ఆ తేదిన సినిమా విడుదల చేస్తామని చెప్తున్నారు. తమిళంలో సూపర్ హిట్ అయిన ‘మంజా’ సినిమా ఆధారంగా ఈ మూవీని రూపొందిస్తున్నారు. ఈ సినిమాకు దాసరి డైరెక్టరే కాకుండా మంచు విష్ణుకు తాతగా నటిస్తున్నారు. ఇక చక్రి సంగీతం అందిస్తున్నారు.

కార్తిక్