రామోజీ ఫిలిం సిటీ నుండి ప్యాకప్

Posted: 02/22/2014 03:53 PM IST

టాలీవుడ్ లో అంత్యంత భారీ బడ్జెట్ తో, భారీ తారాగణంతో రాజమౌళి రూపొందిస్తున్న ‘బాహుబలి ’ షూటింగ్ లోని యుద్ద సన్నివేశాలను  ప్రభాస్, రానా వంటి వారే కాకుండా వేలాది మంది జూనియర్ ఆర్టిస్టులతో రామోజీ ఫిలిం సిటీలో గత కొన్ని రోజులుగా షూటింగు జరుగుతున్న విషయం తెలిసిందే.

ఇప్పుడు ఈ ఎపిసోడ్ చిత్రీకణ చివరి దశకు వచ్చింది. మరి కొన్ని రోజుల్లో రామోజీ ఫిలిం సిటీలో నుండి దీనిని ప్యాకప్ చెప్పేయబోతున్నారు. ఈ షెడ్యూలు పూర్తయితే బహుబలిలో కీలకమైన పార్ట్ పూర్తవుతుందట. రెండు పార్టులుగా రాబోతున్న ఈ చిత్రం షూటింగ్ ఈ సంవత్సరం చివరికల్లా పూర్తి చేసుకొని, పోస్టు ప్రొడక్షన్ కార్యక్రమాలు జరుపుకుంటుందట.

ఈ చిత్రానికి ఈ సన్నివేశాలు హైలైట్ అవుతాయనీ, హాలీవుడ్ సినిమాల స్థాయిలో వీటిని తెరకెక్కిస్తున్నారనీ యూనిట్ సభ్యులు చెబుతున్నారు. రాజమౌళి దర్శకత్వంలో రూపొందుతున్న ఈ చిత్రం తెలుగుతెరపై ఓ మహాద్భుతమవుతుందని పరిశీలకులు భావిస్తున్నారు.