వైవాహిక జీవితానికి ఆరోగ్య సూత్రాలు

Posted: 04/08/2015 03:36 PM IST

సాధారణంగా ప్రతిఒక్కరు వివాహానికి ముందు నుంచే ఆరోగ్య సూత్రాలను పాటిస్తుంటారు. మరికొందరు వీటిపై పెద్దగా ఆసక్తి చూపరు... గానీ అతి వారి వ్యక్తిగత వ్యవహారం. అయితే పెళ్లైన తర్వాత మాత్రం ఆరోగ్య సూత్రాలను ఖచ్చితంగా పాటించాల్సి వస్తుంది. అప్పుడే దంపతులు తమ వైవాహిక జీవితాన్ని ఆనందంగా ఆస్వాదించగలరు. ఇద్దరి మధ్య ప్రేమానురాగాలు మరింతగా పెరగడంతోపాటు శృంగారజీవితాన్ని బాగా అనుభవించగలరు. లేనిపక్షంలో ఇద్దరీమధ్యా విభేదాలు చోటు చేసుకునే అవకాశాలున్నాయి. కాబట్టి.. వైవాహిక సంబంధం బాగుండాలంటే ఆరోగ్య సూత్రాలు పాటించడం తప్పనిసరి. మరి.. ఆ సూత్రాలేంటో తెలుసుకుందామా...

1. కొందరు స్త్రీ, పురుషుల నోటి నుంచి దుర్వాసన వస్తుంది. ఇలాంటి వాసన ఉంటే ముద్దు పెట్టుకునే సమయంలో చాలా ఇబ్బందిగా ఉంటుంది. ఈ సమస్యను అధికమించాలంటే పడక గదిలోకి వెళ్లేముందుగానే ఒకసారి బ్రష్ చేసుకోవడం, నోటిదుర్వాసనను నివారణకు సంబంధించిన చిట్కాలు పాటించడం చేయాలి. అప్పుడు ముద్దు పెట్టుకోవడానికి ఎటువంటి సమస్య వుండదు. ఇక అదే సమయంలో రతిలో పాల్గొనాలనే కోరికలు మరింత వేగవంతం అవుతాయి.

2. సాధారణంగా కొందరిలో చెమట అధికంగా విసర్జిస్తుంటుంది. అలా వచ్చినప్పుడు స్వేదం రూపంలో దుర్వాసన వస్తుంది. ఇది రతిసుఖానికి కూడా ఇబ్బంది కలిగిస్తుంది. దంపతులిద్దరూ సెక్స్ కు ఉపక్రమించేముందుగానీ, సెక్స్ చేస్తున్నప్పుడు గానీ ఈ దుర్వాసన వస్తే.. కోరికలు భగ్నమవుతాయి. కాబట్టి.. ఈ సమస్య నివారణకు గోరువెచ్చని నీటితో స్నానం చేసి అనంతనం సువాసన కలిగిన పౌడర్ వేసుకుంటే మంచిది.

3. రతిక్రీడ ముగిసిన వెంటనే మూత్ర విసర్జన చేయడం చాలా ముఖ్యం. దీనివల్ల ఇన్‌ఫెక్షన్ సమస్యల నుంచి దూరంగా వుండొచ్చు. మూత్ర విసర్జన చేయడం వల్ల బ్యాక్టీరియా బైటికి పోయి ఇన్‌ఫెక్షన్ అవకాశాలు చాలా వరకు తగ్గిపోతాయి. అలాగే.. రతిక్రీడ ముగిసిన అనంతరం స్నానం తప్పనిసరి.