శృంగారం.. సర్వరోగ నివారిణి!

Posted: 04/10/2015 04:11 PM IST

శృంగారం.. సర్వరోగ నివారిణిగా ఉపయోగపడుతుందని వైద్య నిపుణులు తమ పరిశోధనల ద్వారా వెల్లడిస్తున్నారు. ప్రతిరోజు కాకపోయినా.. వారానికి కనీసం మూడు రోజులైనా భార్యతో రతిక్రీడలో పాల్గొంటే శరీరం ఉల్లాసంగా ఉంటుందని, సెక్స్ చేసిన ప్రతీసారి తాజాగా అనుభవం పొందుతారని నిపుణులు చెబుతున్నారు. ఒక్కమాటలో చెప్పాలంటే.. రతిక్రీడ శరీర ఆరోగ్యాన్ని సంరక్షించే ఒక మంచి వ్యాయామ లాంటిదని వారు పేర్కొంటున్నారు.

శృంగారంతో కలిగే ఆరోగ్య ప్రయోజనాలు :

భార్యాభర్తలు ఒక వారంలో మూడు సార్లు రతిక్రీడను ఆచరిస్తే, అనేక కేలరీలు ఖర్చవుతాయట. అలాగే.. రతిక్రీడ రెగ్యులర్ చేస్తూపోతే చక్కటి రక్తప్రసరణ జరగడం, శరీరంలో వుండే అనవసరమైన కొలెస్టిరాల్ తగ్గి మంచి స్థాయికి రావడం... మొదలైన ప్రయోజనాలు పొందవచ్చు. అంతేకాదు.. శృంగారం శరీరంలోని వ్యాధి నిరోధక వ్యవస్థను కూడా అభివృద్ధి చేస్తుందట. చురుకుగా రతిక్రీడ చేసేవారి జీవితాలు మరింత దీర్ఘకాలం సాగుతాయని శాస్త్రవేత్తలు నిర్వహించిన ఓ అధ్యయనం కూడా ఇప్పటికే వెల్లడించింది.

దంపతులు సంభోగంలో పాల్గొన్న తర్వాతి రోజు వారి శరీరంలో అవయవాలు, ఇతర భాగాలు చక్కగా పని చేసి ఆరోగ్యంగా ఉండగలరని.. దీంతో వివిధ అవయవాలలోని కణాలు శక్తివంతంగా ఉంటాయని ఆ అధ్యయనంలో తేలింది. కొలెస్ట్రాల్, గుండె జబ్బు లు రాకుండా దివ్యమైన ఔషధంలా కూడా శృంగారం పని చేస్తుందని ఈ సర్వే తేల్చింది. ఇక పురుషుల్లో అయితే.. ఈ శృంగారం గుండె జబ్బుల రిస్కును యాభై శాతానికి తగ్గించడంతోపాటు మానసికంగా ఆరోగ్యంగా వుంచుతుందని వైద్యులు తెలుపుతున్నారు.

రతిక్రీడతో పైపెచ్చు, శరీరంలో ఉన్న నొప్పులు కూడా తగ్గి సుఖంగా వుంటారని వారు చెపుతున్నారు. ప్రస్తుత యాంత్రిక జీవనం ఎంతో ఒత్తిడితో కూడికుని వుంది. ఈ ఒత్తిడిని తగ్గించేందుకు రతి క్రీడ ఓ దివ్యమైన ఔషధంగా దోహదపడుతుందని ఈ సర్వే తేల్చింది. సెక్స్‌లో పాల్గొన్న తర్వాత మెదడు, రక్తప్రసరణ వ్యవస్థ ఎంతో మెరుగుపడుతుందని, వారిలోని ఆందోళనలు దూరమవుతాయని ఈ సర్వే స్పస్టం చేసింది. కాబట్టి.. రోజూ శృంగారంలో పాల్గొంటే భావప్రాప్తితోపాటు ఆరోగ్యంగా వుండవచ్చు.