అసీస్ పర్యటన కోసం కొత్త కత్తులా.? లేదు: బూమ్రా

Posted: 10/18/2018 03:38 PM IST

ఆస్ట్రేలియా పర్యటన కోసం తానేమీ ప్రత్యేకంగా సిద్ధం కావట్లేదని భారత ఫాస్ట్ బౌలర్ జస్‌ప్రీత్ బుమ్రా వెల్లడించాడు. ఆస్ట్రేలియాతో నవంబరు 21 నుంచి మూడు టీ20లు, నాలుగు టెస్టులతో పాటు మూడు వన్డేల సుదీర్ఘ సిరీస్‌ని భారత్ జట్టు ఆడనుంది. ఈ పర్యటన కోసం ఇప్పటికే జస్‌ప్రీత్ బుమ్రా, భువనేశ్వర్ కుమార్‌లకి వెస్టిండీస్‌తో సిరీస్‌ నుంచి సెలక్టర్లు విశ్రాంతినిచ్చిన విషయం తెలిసిందే.

ఈ ఏడాది దక్షిణాఫ్రికా, ఇంగ్లాండ్‌లో పర్యటించిన భారత్ జట్టు.. ఆశించిన ఫలితాలను రాబట్టలేకపోయింది. దీంతో.. కనీసం ఆస్ట్రేలియా పర్యటనలోనైనా టెస్టు సిరీస్‌ గెలవాలని టీమిండియా ఆశిస్తోంది.ఆస్ట్రేలియా పిచ్‌లపై సత్తాచాటేందుకు ఏవైనా ప్రత్యేక వ్యూహాలతో వెళ్తున్నారా..? అని జస్‌ప్రీత్ బుమ్రాని ప్రశ్నించగా.. అతను సమాధానమిచ్చాడు. ‘నేను ఆస్ట్రేలియాకి వెళ్లిన తర్వాత.. అక్కడి పిచ్‌‌ల గురించి అవగాహన తెచ్చుకుంటా.

అలా కాకుండా.. ఇక్కడి నుంచి ప్రత్యేక వ్యూహాలతో వెళితే.. అవి తారుమారయ్యే ప్రమాదం ఉంది. కాబట్టి.. ఫ్రెష్‌గా అక్కడి వెళ్లి.. పిచ్‌లకి అనుగుణంగా.. ప్లానింగ్ చేసుకుంటా’ అని బుమ్రా వెల్లడించాడు. భారత్ జట్టు వెస్టిండీస్‌తో ఈనెల 21 నుంచి ఐదు వన్డేల సిరీస్ ఆడనుండగా.. ఇప్పటికే తొలి రెండు వన్డేల కోసం సెలక్టర్లు జట్టుని ప్రకటించారు. అయితే.. ఈ జట్టు నుంచి కూడా బుమ్రా, భువీకి వారు విశ్రాంతినిచ్చారు.