టెన్నీస్ ప్రపంచం నుంచి అనా ఇవనోవిచ్ కనుమరుగు..

Posted: 12/29/2016 06:11 PM IST

Former world number one ana ivanovic retires from tennis at age 29

టెన్నిస్ ప్రపంచం నుంచి మరో అందమైన బ్యూటీ.. కనుమరుగు అయ్యింది. నెంబర్ వన్ ర్యాంకులో కొనసాగిన ఈ బ్యూటీ తాను అత్యున్నత స్థాయిలో రాణించలేకపోతున్న కారణంగా ఈ నిర్ణయం తీసుకుని అభిమానులను షాక్ ఇచ్చింది. ఎవరా బ్యూటీ టెన్నీస్ ప్లేయర్ అంటే.. సెర్బియాకు చెందిన అనా ఇవనోవిచ్. ఇవాళ అమె తన టెన్నీస్ జీవితానికి గుబ్ బై చెప్పేసింది. 29 ఏళ్లకే అంతర్జాతీయ టెన్నిస్కు వీడ్కోలు పలుకుతూ.. ఈ విషయాన్నిబాధాతప్త హృదయంతో ప్రకటించింది.

ఇప్పటివరకూ తనకు మద్దతుగా నిలిచిన అభిమానులందరీకి ధన్యవాదాలు తెలిపింది. కాగా తాను టెన్నిస్ లో రాణించేందుకు దోహదపడిన తమ దేశ టెన్నిస్ అధికారులకు కూడా కృతజ్ఞతలు తెలిపింది. 2008లో ఫ్రెంచ్ ఓపెన్ టైటిల్ ను సాధించడం ద్వారా గ్రాండ్ స్లామ్ సాధించిన తొలి సెర్బియా మహిళగా రికార్డులెక్కిన ఇవనోవిచ్.. తన రిటైర్మెంట్ నిర్ణయాన్ని ప్రకటించింది. తాను రిటైర్మెంట్ నిర్ణయం ప్రకటించడానికి పెద్దగా కారణం ఏమీ లేదని పేర్కోంది.

తాను అత్యున్నత స్థాయిలో రాణించలేనని కారణంతోనే ప్రొఫెషనల్ టెన్నిస్ కెరీర్ నుంచి వీడ్కోలు తీసుకుంటున్నానని తెలపింది. అయితే ఇది చాలా కఠిన నిర్ణయమని. కానీ ఆనందంగానే టెన్నిస్ కు గుడ్ బై చెబుతున్నానని పేర్కోంది. తన వయసు ఐదేళ్లు ఉన్నప్పుడే టెన్నిస్ ఆటపై మక్కువ పుట్టిందని. ఇందుకు తన తల్లి దండ్రులు ఎంతో సహకరించారని తెలిపింది. తన స్థాయిని పెంచుకుంటూ నంబవన్ వరకూ ఎదిగానన్నింది. తన కెరీర్లో చాలా ఎత్తులు చూశా. మళ్లీ ఆ స్థాయిని చూస్తానని అనుకోవడం లేదని, అందుకే ఈ వీడ్కోలు నిర్ణయమని అనా ఇవనోవిచ్ స్పష్టం చేసింది.