వింబుల్డన్ గెలుపు దేశ ప్రజలకు అంకితం..

Posted: 07/14/2015 06:13 PM IST

భారత టెన్నిస్ స్టార్ సానియా మీర్జా తొలిసారిగా.. ప్రతిష్టాత్మక వింబుల్డన్ ఓపెన్ గ్రాండ్ స్లామ్ లో చరిత్ర సృష్టించిన అంశమై స్పందిస్తూ.. తన విజయాన్ని దేశ ప్రజలకు అంకితం చేస్తున్నట్లు పేర్కోన్నారు. ప్రపంచ టెన్నీస్ ర్యాకింగ్ లో డబుల్స్ విభాగంలో నెంబర్ వన్ ర్యాంకులో కొనసాగుతున్న తెలంగాణ బ్రాండ్ అంబాసిడర్ సానియా ఇవాళ భారత్ కు తిరగివచ్చింది. ఈ సందర్భంగా మీడియాతో మాట్లాడిన ఆమె తన విజయం భారత ప్రజలందరిదని తెలిపింది. తొలిసారిగా ఈ టైటిల్ ను కైవసం చేసుకోవడం తనకు గౌరకారణంగా వుందని తెలిపింది.

విబుల్డన్ టైటిల్ ను గెలుపోందడం చాలా సంతోషాన్ని ఇచ్చిందని తెలిపింది. ఈ టైటిల్ ను గెలువగానే తనకు రాష్ట్రపతి ప్రణబ్ ముఖర్జీ, ప్రధాన మంత్రి నరేంద్రమోడీ, తెలుగు రాష్ట్రాల ముఖ్యమంత్రులు చంద్రశేఖర్ రావు, చంద్రబాబులు తనను అభినందిచడం కూడా తనకు మరింత ఆనందాన్ని ఇచ్చిందని, అదే తరుణంలో తనలో కొత్త ఉత్సహాన్ని కూడా నింపిందని సానియామిర్జా తెలిపారు. తన వరుస గెలుపుల వెనుక రహస్యమేమిటని ప్రశ్నకు బదులిస్తూ.. తాను ఎప్పడు అపజయాలకు కుంగిపోలేదని, అదే తన విజయ రహస్యమని తెలిపింది. తన విజయం వెనుక కుటుంబ ప్రోత్సాహం ెంతో వుందని, డబుల్స్ పార్టనర్ మార్టినా హింగీస్ సహకారం కూడా తనకు ఎంతగానో లభించిందని సానియా వివరించింది.

జి. మనోహర్