లీ చోంగ్ వీ ప్రపంచ రికార్డు

Posted: 12/16/2013 12:46 PM IST

ప్రపంచ నెంబర్ వన్ షట్లర్ లీ ఛాంగ్ వి ప్రపంచ రికార్డు సాధించాడు. ఈ ఏడాది తన అద్బుతమైన ఆట తీరుతో వరుస విజయాలు సాధిస్తూ వస్తున్న లీ చోంగ్ వీ (మలేషియా) బ్యాట్మింటన్ సీర్ ముంగింపు టోర్నమెంట్ వరల్డ్ సూపర్ సిరీస్ ఫైనల్స్ టైటిల్‌ను సొంతం చేసుకున్నాడు. ఈ టైటిల్ సాధించడంతో వరుసగా నాలుగో సారి సూపర్ సిరీస్ ఫైనల్స్ టైటిల్స్ సాధించిన తొలి షట్లర్ గా రికార్డులకు ఎక్కాడు.

పురుషుల సింగిల్స్ ఫైనల్లో లీ చోంగ్ వీ 21-10, 21-12తో సుగియార్తో (ఇండోనేసియా)ను ఓడించాడు. గతంలో ఈ మలేసియా స్టార్ 2008 నుంచి 2010 వరకు వరుసగా మూడుసార్లు ఈ టైటిల్‌ను గెల్చుకున్నాడు.  మహిళల సింగిల్స్ ఫైనల్లో జురుయ్ లీ 21-8, 21-14తో తాయ్ జూ యింగ్ (చైనీస్ తైపీ)పై గెలిచింది. సింగిల్స్ విజేతలు లీ చోంగ్ వీ, జురుయ్ లీలకు 40 వేల డాలర్ల (రూ. 24 లక్షల 87 వేలు) చొప్పున ప్రైజ్‌మనీ లభించింది.