Posted: 11/22/2012 12:17 PM IST

వసతులు, ప్రోత్సాహం మాటెలాఉన్నా,  చదరంగంలో మనవాళ్లు దూసుకుపోతున్నారు. కోనేరు హంపి, హారికల ఇప్పుడు నూతక్కి ప్రియాంక. తాజా అంతర్జాతీయ ఈవెంట్లో విజేతగా నిలిచి అందరి దృష్టిని ఆకర్షిస్తోన్న ఈ అమ్మాయి ఇటీవల స్లొవేనియాలో జరిగిన అండర్-10 వరల్డ్ చెస్ చాంపియన్‌ను గెలుచుకుంది. విజయానంతరం మంగళవారం రాత్రి నగరానికి చేరుకున్న ఆమెకు శంషాబాద్ విమానాశ్రయంలో ఘన స్వాగతం లభించింది.
       అనంతరం తన అభిప్రాయాలను ప్రియాంక వెల్లడించింది. ‘ముందు బొబ్బా వీరభద్రరావు గారికి కృతజ్ఞతలు చెప్పాలి. హంపితో పాటు కలిసి చదివిన మా అక్క ఆయన వద్ద చెస్ నేర్చుకోవడానికి ఆసక్తి ప్రదర్శించినా... తీరిక లేకపోవడం వల్ల కోచింగ్ ఇవ్వలేకపోయారు. కానీ ఇప్పుడు నేను ఆయన దగ్గర మూడేళ్లుగా శిక్షణ తీసుకుంటున్నాను. అక్క ఆడలేకపోయినా ఇప్పుడు నేను వరల్డ్ టైటిల్ గెలవడం సంతోషంగా ఉంది. అలాగే హైదరాబాద్‌లో ఉన్న విజయసారథి గారు కూడా నాకు అండగా నిలిచారు. భవిష్యత్తులోనూ వీరి సహకారంతో ముందుకు సాగుతాను. ముందుగా వయో పరిమితి ఉండే వివిధ కేటగిరీల టోర్నీల్లో ఎక్కువగా పాల్గొనేందుకు ప్రయత్నిస్తాను. దాంతోనే నా ఆట మెరుగుపడుతుంది. క్లాసిక్, బ్లిట్జ్, ర్యాపిడ్...మూడు విభాగాల్లోనూ రాణించాల్సి ఉంది’. అయితే ప్రాథమికంగా గ్రాండ్ మాస్టర్‌ను కావడమే నా లక్ష్యం అందు కోసం ఇప్పటినుంచి పట్టుదలగా కృషి చేస్తానంటోన్న ప్రియాంక తల్లిదండ్రులు : రాధాకృష్ణ, దుర్గాదేవి, నివాసం : విజయవాడ. చదువు : విశ్వభారతి పాఠశాలలో ఐదో తరగతి,

       ఇటీవల కాలంలో రాష్ట్ర క్రీడాకారులు అంతర్జాతీయ యవనికపై వెలుగిపోవటం ఆనందించాల్సిన విషయం. సైనా, సానియా, గగన్, మిథాలీ తదితరులు అద్భుత విజయాలతో ఇప్పటికే స్టార్లుగా ఎదిగి దేశ ప్రతిష్టను పెంచారు.

...avnk