పంచాంగశ్రవణంతో కలిగే ఫలితాలేంటో తెలుసా..?

Posted: 08/12/2015 07:05 PM IST

ఉగాది పర్వదినాన ప్రారంభమయ్యే తెలుగు నూతన సంవత్సరం సందర్భంగా పంచాంగశ్రవణం చేస్తారు. ‘తిథి, వార, నక్షత్ర, యోగ, కరణం’ వంటి ఐదు అంగాలను వివరించే పంచాంగశ్రవణం దేవాలయాల్లో జరుగుతుంది. దీనివల్ల ప్రతి మానవుడు భవిష్యత్తులో ఎటువంటి ఇబ్బందులు, తొందరపాటు చర్యలకు పాల్పడకుండా వుండేలా జాగ్రత్త పడతాడు. అంతేకాదు.. ఈ పంచాంగశ్రవణం వల్ల ఎన్నో ప్రయోజనాలు కలుగుతాయి. అవేమిటంటే...

* సూర్యుడివల్ల శౌర్యము, తేజస్సు
* చంద్రునివల్ల వైభవం
* అంగారకునివల్ల సర్వమంగళములు
* బుధునివల్ల బుద్ధి వికాసము
* గురునివల్ల గురుకృప, జ్ఞానము
* శుక్రునివల్ల సుఖములు
* శనివల్ల దుఃఖరాహిత్యము
* రాహువువల్ల బాహుబలము
* కేతువువల్ల కులవృద్ధి కలుగుతాయి.

పంచాంగశ్రవణం చేసే సమయంలో ‘పంచాంగాలను’ స్మరించడం కింది శుభఫలితాలు కలుగుతాయి.

- తిథి సంపదలను ప్రసాదిస్తుంది.
- వారం ఆయుష్షును పెంపొందిస్తుంది.
- నక్షత్రం పాపాలను తొలగిస్తుంది.
- యోగం వ్యాధులను పోగొడుతుంది.
- కరణం కార్యసిద్ధి కలుగ చేస్తుంది.