నాది, నేను అన్న భావనలు, కోరికలే దు:ఖ హేతువులు. భూమి మీద జన్మించే ప్రతి మానవుడూ తన కోసం ధనాన్నో, వస్తువులనో సంపాదించుకోవడానికి పడరాని పాట్లు పడుతుంటారు. కోరికలను జయిస్తే పరమాత్మకు దగ్గరవుతాము. బౌద్ధ మతం చెప్పే సారాంశమిదే. వేదాంత సారాంశమూ ఇదే! ప్రపంచంలో నాది అని అనుకునేవేవీ నావి కాదు. అన్నీ పరమాత్మవే. ఇంటికి నేను యజమానిని. విశ్వానికి పరమాత్మ యాజమాని. గృహం విశ్వంలోదే. విశ్వం నుంచి వేరు కానిదే, అలాంటప్పుడు గృహం కూడా భగవంతునిదే. నేను అద్దెకు వుంటున్నాను. అంతే. అద్దెకు ఉండేవాడు ఇంటిని, ఇంటిలోని సౌకర్యాలను వినియోగించుకుంటాడు. అలా చేయడంలో తప్పు లేదు. ఇది నాది అనుకుంటేనే బాధ. ఆ క్షణం నుంచే దు:ఖము ప్రారంభమవుతుంది. యజమాని ఇల్లు అద్దెకిచ్చినట్లు పరమాత్మ మనకు సమస్తాన్ని ప్రసాదించాడు. ఇల్లిచ్చాడు. ఒళ్ళిచ్చాడు. కళ్ళిచ్చాడు. కాళ్ళిచ్చాడు. భార్యనిచ్చాడు. భర్తనిచ్చాడు. బిడ్డల్ని అనుగ్రహించాడు. ఆహారాన్నిచ్చాడు. పానీయాన్నిచ్చాడు. ఆస్తులిచ్చాడు. ఆత్మీయుల్ని ఇచ్చాడు. ప్రకృతినిచ్చాడు. ప్రాణాన్నిచ్చాడు. ఇవన్నీ మనకే. కాని అవి మనవి కావు. బండి రాలేదని ప్లాట్ ఫారం మీద కుర్చీలో కూర్చొని నిరీక్షిస్తున్నాం. బండి వచ్చింది. లేచి వెళ్ళి బండినెక్కాం. అంతవరకు మనం కూర్చున్న కుర్చీని త్యజించి వెళ్ళాం. ఎందుకని? అది మనది కాదు. సర్కారు వారిది. వస్తువు ప్రభుత్వానిది. వినియోగం మనది. బండి పోతూ వుంది. ప్రక్కన కూర్చున్న వారి చేతిలో పత్రిక ఉంది. అడిగి తీసుకున్నాం. చదువుకున్నాం. విషయాలు తెలుసుకున్నాం. స్టేషను వచ్చింది. వారి పత్రికను వారికిచ్చి దిగిపోతాం. పేపరు పక్క వారిది. వినియోగం మనది.
ఈ ప్రపంచంలో అంతా వినియోగమే. విని అర్థం చేసుకోవడమే. ఈ సత్యం వంటబడితే బ్రతుకే నైవేద్యమవుతుంది. ఆ తరువాత ఏది లభించినా ప్రసాదంగా భావిస్తుంది. బండి రాలేదని కుర్చీలో కూర్చుని నిరీక్షిస్తున్న మనం కాఫీ త్రాగటానికి లేచి వెలుతూ... - ఏమండీ! నా కుర్చీ చూస్తూ ఉండండి - అని చెప్పి వెళ్తాం. అంటే, మళ్లీ వచ్చి వినియోగించుకుంటామని అర్థం. అక్కడ నా కుర్చీ అని పలికామే గానీ ఆ కుర్చీ మనది కాదని, సర్కారు వారిదని ఇతరులకు తెలియకపోయినా మనకు మాత్రం స్పష్టంగా తెలుసు. నా కుర్చీ అనేది సత్యం కాదు. అన్నీ అంతే. కుర్చీలో కూర్చొని బండి వచ్చిన క్షణాన నాది కాదని కుర్చీని వదిలి లేచి వెళ్లినట్లు, మృత్యువు ఆసన్నమైన క్షణాన సమస్తాన్ని వదిలి ప్రయాణం సాగించాలి. అద్దె ఇంటిని ఆనందంగా వదిలినట్లు, కుర్చీని ప్లాట్ ఫారంపైనే వదిలి బండెక్కినట్లు, బండిలో పేపరు చదివి బండి దిగేముందు అది ఎవరిదో వారికిచ్చినట్లు, ఈ ప్రపంచంలో మనకున్నవన్నీ పరమాత్మవే కనుక అతడు ఏ క్షణాన తిరిగి ఇవ్వమని అడిగినా ఆలోచించకుండా హాయిగా తిరిగి అప్పగించడానికి ఎప్పుడూ సంసిద్ధంగా వుండాలి. ఇలా ఉండే వాడే భక్తుడు. భగఃవంతునికి ప్రియుడు. ఈ సత్యాలన్నీ స్ఫటికం లాగా చక్కగా తెలుస్తూ వుండినా నాది అనే మమకారాన్ని మనిషి వదలలేదు. మమకారం చర్చించినంత తేలికగా పోదు. అహంకారం ఉన్నంతవరకు మమకారం దూరం కాదు. కనుకనే ఈ ప్రపంచంలో జీవించియున్నంతకాలం ఏదో కొంత త్యాగం చేస్తూ పోవాలి. దానం చేస్తూ ఉండాలి. ఇవి చేయడంలో ప్రధానమైన విషయం సేవ కాదు అనే సత్యాన్ని అందరూ గ్రహించలేరు. సేవ రెండవ విషయం. వంటలెన్నో తయారవుతున్నాయి. అయినా ఆకలి మంటలు తీరటం లేదు. అది వంటవాని తప్పుకాదు. వడ్డించే వాని తప్పు కాదు. తినడానికి అలవాటు పడనప్పుడు ఎన్ని వంటలు చేసి ఏం ప్రయోజనం? మస్తకాలు సిద్ధపడకపోతే పుస్తకాలు చేసేది ఏమీ వుండదు. బుద్ధి శుద్ధిపడకపోతే బోధలు రుచించవు. రుచించినా ఫలితాలను ప్రసాదించవు. మార్పును అందరూ వాంఛిస్తారు. మారేందుకు ఎవ్వరూ సిద్ధపడరు. అవును. మార్పు చాలా బాధాకరమైనది. అందుచేతనే మారాలనుకున్నా మనుషులు మారలేకపోతారు. ఎవరు ఎవరినీ మార్చవలసిన పని లేదు. మహిమలో తాను వెలుగుతూ వుంటే, మార్పులు రాదలచుకుంటే వస్తాయి. రాకూడదనుకుంటే విశ్రాంతి తీసుకుంటాయి. ఈ అవగాహణ రాగలిగితే గొప్ప మార్పు వచ్చినట్టే.
(And get your daily news straight to your inbox)
Apr 03 | మానవుడు ప్రకృతిలో వున్న అందాలను, మాయకు లోబడి, ఇంద్రియాలకు లోనయి అనేకరకాల ప్రవృత్తుల (లక్షణాలు)తో ప్రవర్తిస్తుంటాడు. కొందరు ఒక్కొక్క రకమైన లక్షణాలను కలిగివుంటే.. మరికొందరిలో అన్ని లక్షణాలు ఇమిడి వుంటాయి. అవి తామసిక, రాజసిక,... Read more
Mar 20 | సాధారణంగా సామాన్య మతాచారులు, గురువులు దగ్గరకు శిష్యులు వెళ్లి, లైనుల్లో నిల్చుని.. వారి ఆశీర్వచనాలు, ప్రసాదాలు తీసుకుంటుంటారు. కానీ... భగవాన్ బాబా స్వామి అయితే తాము స్వయంగా భక్తుల దగ్గరకు వెళ్లి వారికి స్వాంతనను... Read more
Feb 18 | ‘‘శరణు’’ అంటే రక్షణ కోసం వేడుకోవడం. ఆ రక్షణ ఇచ్చేవాడు దేవుడు. సాధారణంగా మానవులు తనకు ఆపదలు వచ్చినప్పుడు వాటిని తట్టుకోలేక తన ఇష్టమైన దేవాన్ని రక్షణ కోసం వేడుకుంటారు. అలాగే మరికొందరు తమ... Read more
Feb 17 | వ్యవస్థాపకులు ఆధ్యాత్మిక జ్ఞానపీఠం, చిలకలూరి పేట అన్ని జన్మలలోను మానవజన్మ మాత్రమే ఉత్తమమైనది, దుర్లభమైనది. అసలు జన్మలు 3 రకాలు. అవి దేవజన్మ, మానవజన్మ, జంతుజన్మ. అవి ఎలా వస్తాయి..? వాటి ప్రత్యేకత ఏమిటి..?... Read more
Feb 14 | ప్రేమే నేను - నేనే ప్రేమ ‘‘ప్రేమ నా స్వరూపము.. నా స్వభావము.. ప్రేమే నేను. నేనే ప్రేమ’’.. అంటారు భగవాన్ సాయి. ‘‘నా జీవితమే నా సందేహం. ప్రేమే నా సందేశం’’ అంటుంటారు.... Read more