ఖైదీ కోసం పవన్ ఇప్పుడైనా వస్తాడా?

Posted: 01/16/2017 01:01 PM IST

Makers plan for khaidi no 150 thank you meet

మెగాస్టార్ చిరంజీవి ఖైదీ నంబర్ 150కి రిలీజ్ ముందు నుంచి ఎంత హైప్ క్రియేట్ చేసిందో.. రిలీజ్ తర్వాత అంతే బ్లాక్ బస్టర్ టాక్ తో దూసుకుపోతుంది. అంతేనా? వివాదాలు కూడా చిరు రీఎంట్రీకి వెల్ కమ్ చెప్పటం కూడా చూశాం. రీమేక్ అంటూ వర్మ ట్వీట్ల దగ్గరి నుంచి పవన్ ప్రీ రిలీజ్ పంక్షన్ కి రాకపోవటం దాకా అంతా సెన్సేషనే అయ్యింది.

ఇక ప్రమోషన్ల విషయంలో కూడా చిరు బాగానే ముందున్నాడు. రిలీజ్ కు ముందు తెగ ఇంటర్వ్యూలు ఇచ్చేసిన చిరు, ఇప్పుడు చెర్రీ సలహా మేరకు థాంక్యూ మీట్ ఏర్పాటు చేసేందుకు ఖైదీ టీం సిద్ధమైపోతుందని సమాచారం. ఇప్పటికే మెగా డాటర్ నిహారికతో ఇంటర్వ్యూ, తండ్రి-కొడుకుల ఇంటరాక్షన్ ఇలా సాగిపోతున్న సమయంలో థాంక్ యూ మీట్ స్పెషల్ అట్రాక్షన్ గా నిలిచిపోవటం ఖాయమనే అనుకోవచ్చు.

అయితే హైదరాబాద్ లోనే జరగబోయే ఈ ఈవెంట్ కోసం పవన్ ను రప్పించాలన్న యత్నం జరుగుతోందన్న మరో వార్త ఇప్పుడు చక్కర్లు కొడుతోంది. ఇంతకు ముందు సినిమాకు ఆల్ ది బెస్ట్ చెబుతూ విష్ చేసిన పవన్, ఆ తర్వాత ఇంత పెద్ద బ్లాక్ బస్టర్ అయినప్పటికీ ఎక్కడా సినిమా గురించి ప్రస్తావించలేదు. పైగా అన్నయ్య సినిమా ఇంతదాకా చూడలేదన్న విమర్శా వినిపించింది. ఈ దశలో ఈ ఈవెంట్ కు గనక హాజరయితే మంచిదని పలువురు సన్నిహితులు పవన్ కి సూచిస్తున్నారంట. అయితే అంత పెద్ద మెగా పంక్షన్ కే రాని తమ్ముడు ఈ థాంక్ మీట్ కి వస్తాడా? అన్న డిస్కషన్ అప్పుడే మొదలైపోయింది.