కలెక్షన్ కింగ్ కు ఆ టైటిల్ ఎలా దొరికిందబ్బా...

Posted: 08/10/2016 03:22 PM IST

కలెక్షన్ కింగ్ మోహన్ బాబు వారుసులు వరుస సినిమాలతో బిజీగా ఉన్నప్పటికీ, తాను మాత్రం నటనాపరంగా విశ్రాంతి అస్సలు తీసుకోనంటున్నాడు. కాస్త గ్యాప్ ఇచ్చి ఆ మధ్య పాండవులు పాండవులు తుమ్మెద, రౌడీ చిత్రాల్లో నటించిన ఈ విలక్షణ నటుడు త్వరలో మరో రెండు సినిమాల్లో నటించడానికి ప్లాన్ చేసుకుంటున్నారు.

ఈ విషయాల గురించి స్వయంగా మోహన్ బాబే ప్రకటించడం విశేషం. పైగా ఆ రెండూ కూడా తనయులతోనే కలిసి నటించబోతున్నాడంట. వీటిలో ముందుగా పెద్ద కొడుకు మంచు విష్ణుతో కలసి నటించే చిత్రం మొదలవుతుంది. ఆపై వచ్చే ఏడాది మనోజ్ చిత్రం మొదలౌతుందని చెప్పుకోచ్చాడు. ఇక విష్ణుతో కలిసి చేయబోయే చిత్రానికి 'సేనాపతి' అనే టైటిల్ని కూడా నిర్ణయించినట్టు మోహన్ బాబు తెలిపారు. ఇది త్వరలో సెట్స్ కి వెళుతుందని చెబుతున్నాడు.

అయితే సేనాపతి అనే టైటిల్ ను గతంలో  టైటిల్ పవర్ స్టార్ పవన్ కళ్యాణ్ కోసం రిజిస్ట్రేషన్ చేయించిన సంగతి తెలిసిందే. కానీ, పవర్ ఫుల్ కథ రీత్యా తన సినిమాకు ఇదే టైటిల్ బాగుంటుందని భావించిన మోహన్ బాబు టైటిల్ కోసం స్వయంగా పవన్ నే సంప్రదించాడంట. మోహన్ బాబుతో పవన్ కి మంచి రిలేషన్ ఉండటంతో ఎలాంటి కండిషన్లు పెట్టకుండానే టైటిల్ ను ఇచ్చేశాడని చెప్పుకుంటున్నారు.