బాలయ్య 100 నుంచి అతన్ని తీసేశారా?

Posted: 08/10/2016 09:38 AM IST

ప్రతిష్టాత్మకంగా తెరకెక్కుతున్న బాలకృష్ణ గౌతమీ పుత్ర శాతకర్ణి కోసం టెక్నికల్ టీంను చాలా టైం తీసుకునే ఎంపిక చేసుకున్నాడు క్రిష్. ఆర్ట్ డైరక్టర్ దగ్గరి నుంచి గ్రాఫిక్స్ వర్కర్ల దాకా అంతా అనుభవం ఉన్నవారే ఈ చిత్రం కోసం పని చేస్తున్నారు. ఇక చారిత్రాత్మక సినిమాలకు చాలా అవసరమైన సంగీత నేపథ్యం కోసం రాకింగ్ దేవీశ్రీ ప్రసాద్ కి బాధ్యతలు అప్పజెప్పాడు.

షూటింగ్ ప్రారంభం కాకముందే యూఎస్ వెళ్లిన దేవీ అక్కడ మ్యూజిక్ సిట్టింగ్ లు వేస్తూ, శాతకర్ణికి సంబంధించి వర్క్ ప్రారంభమయ్యిందంటూ ఓ ఫోటోను కూడా ఉంచాడు. అయితే తాజాగా అందుతున్న సమాచారం ఏంటంటే... ఈ చిత్రం నుంచి దేవీని తొలగించినట్లు తెలుస్తోంది. అనుకున్న ప్రకారం దేవీ సంక్రాంతి వరకు ఔట్ పుట్ ఇవ్వకపోవటమే దీనికి కారణంగా చెప్పుకుంటున్నారు. నిజానికి నాన్ స్టాప్ కమిట్ మెంట్ కు ఓకే చెప్పిన తర్వాతే క్రిష్ ఈ సినిమా కోసం  దేవీశ్రీ ప్రసాద్ ను తీసుకున్నాడు. కానీ, ఈ సినిమాతోపాటు మరో మూడు పెద్ద చిత్రాలకు సంగీతాన్ని అందించేందుకు ఒప్పుకోవటం, వాటి పనుల్లో కూడా మునిగిపోవటంతో ఆలస్యం అయ్యేలా ఉండటంతో అతన్ని మార్చేయాలని క్రిష్ భావిస్తున్నాడంట.

దీనికి తోడు మ్యూజిక్ సిట్టింగ్ ప్రారంభమయి ఆరు నెలల పైనే అవుతున్నా కనీసం ఇప్పటిదాకా పూర్తయిన టాకీ పార్టులో పదో వంతు సంగీతాన్ని కూడా దేవీ రెడీ చేయలేకపోయాడు. ఈ పరిస్థితుల్లో అతన్ని రీప్లేస్ చేయటం తప్పించి మరో మార్గం లేదని చిత్ర యూనిట్ అనుకుంటోంది. దీనిపై ఇంకా అధికార ప్రకటన వెలువడకపోయినప్పటికీ, ఒకవేళ మార్చాల్సి వస్తే మాత్రం ఆ స్థానంలో మణిశర్మకు పగ్గాలు అప్పజెప్పే అవకాశం ఉందని తెలుస్తోంది.