మాస్ రాజాను చూసి జడుసుకుంటున్నారు

Posted: 07/14/2016 04:34 PM IST

బెంగాల్ టైగర్ వచ్చి ఆరు నెలలు దాటినా ఇంతవరకు ఏ ఒక్క సినిమా కోసం రవితేజ సిద్ధంగా లేడు. యువ దర్శకులే కాదు, సీనియర్లు కూడా కనీసం రవితేజ వైపు కన్నెత్తి చూడటం లేదు. సంపత్ నంది, బాబీలు ఆయన బాడీ లాంగ్వేజ్ కు సూటయిన కథలతో వెళ్లిన అవి ఎందుకనో పట్టాలెక్కటం లేదు. అయితే దీనికి అసలు కారణం ఏంటన్న వార్త ఒకటి ఇప్పుడు హల్ చల్ చేస్తోంది.

బెంగాల్ టైగర్ డీసెంట్ హిట్ అనే టాక్ వచ్చినప్పటికీ రవితేజ మాత్రం తన రెమ్యునరేషన్ ను అమాంతం పెంచేశాడంట. గత సినిమాలకు తీసుకున్న పారితోషకానికి డబుల్ అడుగుతున్నాడని తెలుస్తోంది. అందుకే కథలతో దర్శకులు సిద్ధంగా ఉన్నప్పటికీ ఏ నిర్మాత కూడా రవితేజతో సినిమాలు చేసేందుకు ముందుకు రావటం లేదని తెలుస్తోంది. గతంలో దిల్ రాజు చిత్రం కూడా రెమ్యునరేషన్ కారణంతోనే ఆగిపోయిన విషయం తెలిసిందే.  

దీంతో దిగొచ్చిన మాస్ రాజా తన ఆ విషయంలో ఓ మెట్టుదిగినట్లు తెలుస్తోంది. ఓ హిందీ రీమేక్ కోసం సగానికి సగం తగ్గించేసుకోబుతున్నాడనే టాక్ వినిపిస్తోంది. తనకు అత్యంత దగ్గరి వ్యక్తులే నిర్మాతలు గా వ్యవహరించబోతున్న సినిమా కోసం ఈ పని చేయబోతున్నాడంట. అది ఇటీవలె వచ్చిన సల్మాన్ సుల్తాన్ రీమేక్ అని కొందరు అంటుండగా, అప్పట్లో చెప్పినట్లుగా స్పెషల్ చబ్భీస్ రీమేక్ అని మరికొంత మంది చెబుతున్నారు.

-భాస్కర్