వెంకటేష్ ఇంకో షాడోనా?

Posted: 07/11/2016 04:13 PM IST

విక్టరీ వెంకటేష్ హీరోగా నటించిన బాబు బంగారం రిలీజ్ కు దగ్గరపడిపోతుంది. చాలా గ్యాప్ తర్వాత వెంకీ సోలో హీరోగా కనిపిస్తుండటం, మారుతి దర్శకుడు కావటంతో సినిమాపై అంచనాలు పెరిగిపోయాయి. అవుట్ అండ్ అవుట్ ఎంటర్ టైన్ మెంట్ సబ్జెక్టుతో ఈ చిత్రం తెరకెక్కినట్లు ఇప్పటికే రిలీజ్ అయిన ట్రైలర్ ను చూస్తే అర్థమైతోంది. అదంతా పక్కనబెడితే మరి ఈ సీనియర్ హీరో తర్వాతి ప్రాజెక్టు ఏంటీ?

ఆ మధ్య బాలీవుడ్ లో మాధవన్ హీరోగా సాలా ఖద్దూస్ అనే సినిమా వచ్చింది. బాక్సింగ్ నేపథ్యంలో వచ్చిన ఈ చిత్రం బాలీవుడ్ లో, ఇటు కోలీవుడ్ లో మంచి విజయాన్నే అందుకుంది. దీనిని వెంకీ తో రీమేక్ చేస్తారని అప్పట్లో వార్తలు కూడా వచ్చాయి. తాజాగా అందుతున్న సమాచారం ప్రకారం తర్వాతి చిత్రం అదేనని సమాచారం. చెన్నైకి చెందిన దర్శకురాలు సుధా కొంగరా తన సొంత బ్యానర్ వై నాట్ స్డూడియోస్ మరియు సురేష్ ప్రొడక్షన్ సమర్ఫణలో ఈ చిత్రం తీయబోతున్నారు. బాక్సింగ్ కోచ్ అవతారంలో వెంకీ అలరించనున్నాడు.

ఇక ఈ చిత్రం కోసం పెప్పీ లుక్ లోకి మారిపోయేందుకు వెంకీ అల్రెడీ సిద్దమైపోయాడని సన్నిహితులు చెబుతున్నారు. చిత్రానికి ఆ లుక్కే హైలెట్ అవుతుందని అంటున్నారు. నిజానికి మాతృకలో మాధవన్ లుక్ తో కంపేర్ చేస్తే అది అచ్చం మోహర్ రమేష్ దర్శకత్వంలో వచ్చిన షాడో సినిమాలో వెంకీ లుక్ మాదిరిగానే ఉంటుంది. దీంతో వెంకీ మరోసారి షాడో లాంటి లుక్ లోనే కనిపించబోతున్నాడా అని కొంచెం కంగారు నెలకొంది. అయితే కథ బలమైంది కావటంతో అలాంటి భయాలు అక్కర్లేదని అభిమానులు చెబుతున్నారు.

భాస్కర్