అందరి సరదా తీరుస్తున్నాడు...!!

Posted: 07/09/2016 12:49 PM IST

టాలీవుడ్ లో చాలా ఫాస్ట్ మేకర్ గా పేరుపొందిన మాస్ యాక్షన్ డైరెక్టర్ పూరీ జగన్ తన తర్వాత సినిమాలను అంతే వేగంతో చేస్తూ దూసుకెళ్లిపోతున్నాడు. కళ్యాణ్ రామ్ హీరోగా ఇజం సినిమాని తీస్తున్న పూరీ ఇటీవలే ఈ సినిమా ఫస్ట్ లుక్ ని ప్రేక్షకుల ముందుకు తీసుకువచ్చాడు. ఈ సినిమా ఫస్ట్ లుక్ కి విపరీతమైన రెస్పాన్స్ వస్తున్న సంగతి తెలిసిందే. ఇప్పుడు ఈ సినిమాని స్పీడ్ గా ఫినిష్ చేసే కార్యక్రమంలో ఉన్నాడు. ఎందుకంటే, తర్వాత వరుసగా హీరోల డేట్స్ బ్లాక్ చేసుకున్నాడట. అందుకే ఇప్పుడు సాధ్యమైనంత త్వరగా షూటింగ్ ని పూర్తి చేసేస్తున్నాడు.

కళ్యాణ్ రామ్ సినిమా తర్వాత, మహేష్ బాబుతో జనగణమన సినిమా, తర్వాత జూనియర్ ఎన్టీఆర్ తో ఇంకో సినిమా, ఆ తర్వాత హీరో రవితేజతో, పవన్ కళ్యాణ్ తో, యంగ్ హీరో అఖిల్ తో సినిమాలను లైన్లో పెట్టాడు ఈ మాస్ డైరెక్టర్. ఇప్పటికే ఈ హీరోల డేట్స్ ని బ్లాక్ చేసేశాడట. అయితే, చిరంజీవి 150వ సినిమా చెయ్యలోకపోయినా, ఆ సినిమాలో కొన్ని మార్పులు చేసి చిరంజీవి 151వ సినిమాగా దాన్ని తెరకెక్కించే ప్రయత్నాలు చేస్తున్నాడని ఫిలిం నగర్ లో టాక్ మొదలైంది. అయితే, ఇప్పుడు మెగాస్టార్ చిరంజీవి సినిమా కూడ పూరీ చేతులో ఉన్నట్లే అని, తెలుగు ఇండస్ట్రీలో ఇంత బిజీగా ఏ డైరెక్టర్ లేడని చెప్తున్నారు సినీ పండితులు.

- మూర్తి