క్రేజీ కాంబినేషన్ మరోసారి...!

Posted: 06/18/2016 12:54 PM IST

టాలీవుడ్ లో కొన్ని కాంబినేషన్స్ సెట్ అయితే అంత త్వరగా ప్రేక్షకులు వాటిని మర్చిపోలేరు. ప్రస్తుతం కొరటాలశివ, జూనియర్ ఎన్టీఆర్ ల పరిస్థితి కూడ అదే. జనతాగ్యారేజ్ షూటింగ్ దశలో ఉండగానే వీళ్లిద్దరి కాంబినేషన్ లో మరోసినిమాకి శ్రీకారం చుట్టుకున్నట్లుగా తెలుస్తోంది. కొత్త బ్యానర్ లో కొరటాల శివతో కలిసి సినిమా చేసేందుకు డిస్ట్రిబ్యూటర్ సుధాకర్ సిద్ధంగా ఉన్నాడట. అందుకోసం కొరటాల శివకి అడ్వాన్స్ కూడ ఇచ్చినట్లు సమాచారం తెలుస్తోంది.

అయితే ఈ సినిమాలో హీరోగా జూనియర్ ఎన్టీఆర్ నే తీసుకుందామని ఆయన పట్టుబట్టి మరీ కూర్చున్నాడట. ప్రస్తుతం జూనియర్ ఎన్టీఆర్ ఈ సినిమా తర్వాత వక్కంత వంశీతో ఒకసినిమా, పూరీ జగన్ తో మరో సినిమా కమిట్ అయిన సంగతి తెలిసిందే. అంతేకాకుండా రాజమౌళి బాహుబలి తర్వాత జూనియర్ తో మెగా ప్రాజెక్ట్ స్టార్ట్ చేస్తే మాత్రం తారక్ డేట్స్ దొరకడం చాలా కష్టమని ఇప్పుడే తారక్ ని అడిగి డేట్స్ బ్లాక్ చేసుకుంటున్నాడట ఈ ప్రొడ్యూసర్ గా మారిన డిస్ట్రిబ్యూటర్.

జనతాగ్యారేజ్ సినిమాపైన పూర్తి ఆశలతో ఉన్న ఈ ప్రొడ్యూసర్ ఈ సినిమా టాలీవుడ్ లో రికార్డ్స్ అన్నీ బ్రేక్ చేయడం గ్యారెంటీ అని ఈ సినిమాతో జూనియర్ ఎన్టీఆర్ మార్కెట్ ఎక్కడికో వెళ్లిపోతుందని ముందుగానే ఊహించి డేట్స్ తీసుకుంటున్నాడని చెప్తున్నారు సినీ విశ్లేషకులు.

- మూర్తి