కాంబినేషన్ కుదురుతోందా...?

Posted: 06/13/2016 12:22 PM IST

టాలీవుడ్ మాటల మాంత్రికుడు త్రివిక్రమ్ శ్రీనివాస్, స్టార్ ప్రొడ్యూసర్ దిల్ రాజు కాంబినేషన్ లో సినిమా ఎనౌన్స్ చేసిన దగ్గర్నుంచి ఈ సినిమాలో హీరో ఎవరన్న దానిపై ఫిలిం నగర్ లో రకరకాల పేర్లు వినిపించాయి. కొంతమంది అయితే కన్ ఫార్మ్ గా హీరో రామ్ చరణ్ తేజ్ అని చెప్పేశారు కూడ.

అయితే, గతంలో త్రివిక్రమ్ శ్రీనివాస్ హైదరాబాద్ లో పార్క్ హయత్ హోటల్లో తమిళ హీరో సూర్యకి ఒక కథ వినిపించిన సంగతి తెలిసిందే. అప్పుడు తెలుగులో నేరుగా ఓ సినిమా చేయాలని సూర్య ఎప్పటినుంచో అనుకొంటూ ఉన్నాడు కూడ. త్రివిక్రమ్ చెప్పిన కథని వెంటనే సూర్య ఓకే చేసేశాడు. దీంతో వీళ్లిద్దరి కాంబినేషన్ లో మల్టీ స్టారర్ సినిమా వస్తోందని చెప్పుకున్నారు.

అయితే, ఇప్పుడు ప్రస్తుతం ఈ సినిమా పట్టాలెక్కబోతునట్లుగా ఫిలిం నగర్ లో టాక్ మొదలైంది. దిల్ రాజు ప్రొడ్యూసర్ గా తెలుగులో నేరుగా చిత్ర చేసేందుకు సూర్య గ్రీన్ సిగ్నల్ ఇచ్చినట్లుగా దీనికి త్రివిక్రమ్ శ్రీనివాస్ డైరెక్టర్ గా చేస్తున్నట్లుగా సమచారం తెలుస్తోంది. అయితే, ఈ సినిమా తమిళంలో మాత్రం సూర్య సొంత బ్యానర్ పైనే రిలీజ్ చేస్తాడని, తెలుగులో మాత్రమే దిల్ రాజు శ్రీవెంటకేశ్వర క్రియేషన్స్ పై చిత్రాన్ని నిర్మించబోతున్నాడని టాక్. మరి ఈ సినిమా గురించి అధికారికంగా ఎప్పుడు ఎనౌన్స్ చేస్తారని అభిమానులు ఆసక్తిగా ఎదురుచూస్తున్నారు.

 - మూర్తి