ఏంటి వీళ్లిద్దరి లొల్లి... ?

Posted: 06/11/2016 04:18 PM IST

సమంత, నాగచైతన్య మళ్ళీ వార్తల్లోకి వచ్చేశారు. వీళ్ల గురించి ఇప్పటికే కొన్ని వార్తలు మీడియాలో చక్కెర్లు కొడుతున్నాయి. ఇప్పుడు మనం మాట్లాడుకునేది మాత్రం ఆ వ్యవహారం మాత్రం కాదు. సినిమాలకు సంబంధించి మాత్రమే. తాజాగా మళ్లీ వీళ్లిద్దరు కలిసి ఓ మూవీలో నటిస్తున్నట్టు ఫిలింనగర్ లో టాక్ మొదలైంది.

‘సోగ్గాడే చిన్నినాయన’ ఫిల్మ్ చేసిన కల్యాణ్‌కృష్ణ దీనికి డైరెక్టర్. తన దగ్గరున్న స్టోరీతో మొదట అఖిల్‌తో ఈ మూవీ చేయాలని ఈ దర్శకుడు ప్లాన్ చేసినప్పటికీ, నాగ్ సూచన మేరకు చైతూతో ఓకే అయినట్టు టాక్. చైతూ పక్కన హీరోయిన్‌గా సమంతను ఎంపిక చేసినట్టు ఇన్‌ సైడ్ సమాచారం.

అన్నపూర్ణ బ్యానర్‌పై ఈ చిత్రాన్ని స్వయంగా నాగార్జున నిర్మించనున్నాడట. ఇప్పటికే వీళ్లు 'ఏ మాయ చేశావే', 'ఆటోనగర్ సూర్య', 'మనం' వంటి చిత్రాల్లో కలసి నటించారు. ఇప్పుడు ఈ వార్త నిజమైతే వీళ్ళకి ఇది నాలుగో చిత్రం అవుతుంది. రీసెంట్ గా వీళ్ళిద్దరి గురించి రూమర్స్ చాలానే వచ్చాయి. ఇంతలోనే ఇద్దరూ కలిసి మళ్లీ స్ర్కీన్ షేర్ చేసుకోవడం సినీ ప్రేక్షకులకు అర్థంకావడం లేదు. గ్లామర్ ఇండస్ర్టీలో ఇలాంటి గాసిప్స్ కామన్ అని, పెద్దగా పట్టించుకోవాల్సిన అవసరంలేదన్నది కొందరి వాదన. మొత్తానికి మరోసారి ఈ జంటను వెండితెరపై చూడొచ్చన్నమాట.   
 
- మూర్తి