బన్నీ రూట్ మారుస్తున్నాడు..!

Posted: 06/09/2016 11:40 AM IST

'టాలీవుడ్ స్టైలిష్ స్టార్ అల్లు అర్జున్ ప్రస్తుతం టర్కీ వీసా తీసుకుని విదేశీ పర్యటనను ఎంజాయ్ చేస్తున్నాడు. ఇండియాకి రాగానే తన తర్వాత సినిమాపై క్లారిటీ ఇస్తాడు బన్నీ. ఎందుకంటే ఇప్పటికే లింగుస్వామి డైరెక్షన్ లో అల్లు అర్జున్ ఓ సినిమా చేయడానికి కసరత్తులు చేస్తున్నారని వార్తలు వచ్చాయి. అంతేకాకుండా, విక్రమ్ కె కుమార్ తో కూడ ఒక ప్రోజెక్ట్ ని బన్నీ ఓకే చేసినట్లు తెలుస్తోంది.

లింగుస్వామి తో బన్నీ ఓకే చేసిన కథలో ఆ క్యారెక్టర్ ని కొత్త గెటప్ లో చూపించాలనుకున్నాడట డైరెక్టర్ అందుకే స్క్రిప్ట్ పరంగా కొన్ని మార్పులు చేస్తున్నాడని ఈసినిమా ఆలస్యం అయ్యే అవకాశముందని అంటున్నారు. మరో డైరెక్టర్ విక్రమ్ కుమార్ తో ఓకే చేసిన కథ కూడ ప్రీ ప్రొడక్షన్ , అండ్ స్క్రిప్ట్ వర్క్ టైమ్ పట్టేడట్లుగానే  కనిపిస్తున్నాయట. ఈ నేపథ్యంలో ఈ రెండు సినిమాలు లేట్ అయ్యే అవకాశాలు కనిపిస్తున్నాయని ఫిలిం నగర్ లో టాక్ మొదలైంది.  

అందుకే బన్నీ గతంలో డైరెక్టర్ హరీష్ శంకర్ తనకోసం సిద్ధం చేసి ఉంచిన ఒక స్టోరీతో సినిమా స్టార్ట్ చేయనున్నట్లుగా వార్తలు వినిపిస్తున్నాయి. ఒకవేళ లింగుస్వామి స్క్రిప్ట్ వర్క్ మొత్తం సిద్ధం చేసి ఉంచితే ఆ సినిమా ఈ సినిమా రెండింటిలోనూ అల్లు అర్జున్ నటించే అవకాశం ఉంది. ఏది ఏమైనా ఈ సంవత్సరం అల్లు అర్జున్ ఫ్యాన్స్ కి మంచి కిక్ ఇచ్చే సినిమా చేస్తాడనే అంటున్నారు సినీ విశ్లేషకులు.  

- మూర్తి