క్యారెక్టర్ డిజైన్ అదిరిపోనుందట

Posted: 12/31/2015 12:08 PM IST

‘ముకుంద’ సినిమాతో హీరోగా ఎంట్రీ ఇచ్చి, ‘కంచె’ సినిమాతో నటుడిగా మంచి మార్కులు సంపాదించుకున్న మెగా హీరో వరుణ్ తేజ ఇటీవలే ‘లోఫర్’ సినిమాతో ప్రేక్షకుల ముందుకొచ్చాడు. ఈ సినిమా కూడా అనుకున్న స్థాయిలో విజయం సాధించలేకపోయింది. దీంతో ఎలాగైనా ఓ కమర్షియల్ హిట్ ను కొట్టాలనే వుద్దేశ్యంతో వున్నాడు వరుణ్.

‘లోఫర్’ తర్వాత వరుణ్ హీరోగా ‘కంచె’ దర్శకుడు క్రిష్ తో మరో సినిమా చేయనున్నాడు. ప్రస్తుతం ఈ ప్రాజెక్టుకు సంబంధించిన ప్రీ ప్రొడక్షన్ కార్యక్రమాలు శరవేగంగా జరుగుతున్నాయి. ఈ చిత్రానికి ‘రాయబారి’ అనే టైటిల్ ను పరిశీలిస్తున్నారు. అయితే ఇందులో వరుణ్ ఓ సీక్రెట్ ఏజెంట్ పాత్రలో కనిపించనున్నాడని సమాచారం.

కమర్షియల్ యాక్షన్ ఎంటర్ టైనర్ గా రూపొందనున్న ఈ సినిమాలో వరుణ్ చాలా కొత్తగా కనిపించనున్నాడని సమాచారం. అందుకోసం వరుణ్ క్యారెక్టర్ ను కొత్తగా డిజైన్ చేస్తున్నాడని తెలిసింది. త్వరలోనే ఈ ప్రాజెక్టు సెట్స్ పైకి వెళ్లనుంది. మరి ఈ సినిమా అయినా వరుణ్ కు విజయాన్ని అందిస్తుందో లేదో చూడాలి.