బాహుబలి2 కోసం అనుష్కకు ఆపరేషన్?

Posted: 10/28/2015 11:48 AM IST

సౌత్ ఇండియన్ టాప్ స్టార్ హీరోయిన్ అనుష్కపై తాజాగా ఓ కొత్త వార్త హల్చల్ చేస్తోంది. అనుష్క నటించిన ‘బాహుబలి’ చిత్రం ఇటీవలే ప్రపంచ వ్యాప్తంగా విడుదలై భారీ విజయం సాధించింది. అలాగే ‘రుద్రమదేవి’ చిత్రానికి కూడా మంచి టాక్ లభించింది. ప్రస్తుతం ఈ అమ్మడు నటిస్తున్న తాజా చిత్రం ‘జీరో సైజ్’.

ఇందులో అనుష్క సుమారు 100 కిలోల భారీకాయంతో కనిపించనుంది. ఇప్పటికే విడుదలైన ఈ చిత్ర ట్రైలర్లకు భారీ రెస్పాన్స్ వస్తోంది. ప్రముఖ దర్శకుడు ప్రకాష్ కోవెలమూడి దర్శకత్వంలో రూపొందుతున్న ఈ చిత్రాన్ని తెలుగు, తమిళం భాషలలో భారీ బడ్జెట్ చిత్రాల నిర్మాణ సంస్థ పివిపి బ్యానర్ పై ప్రసాద్.వి.పోట్లూరి నిర్మిస్తున్నారు.

ఈ సినిమా ప్రస్తుతం విడుదలకు సిద్ధమవుతోంది. అయితే ‘సైజ్ జీరో’ తర్వాత అనుష్క మళ్లీ ‘బాహుబలి2’ చిత్ర షూటింగ్ లో పాల్గొననుంది. అయితే ‘సైజ్ జీరో’ కోసం భారీగా బరువు పెరిగిన అనుష్క మళ్లీ తన బరువును తగ్గించేందుకు తెగ ప్రయత్నిస్తోంది. అయితే నార్మల్ ఫిట్ నెస్ తో బరువు తగ్గుదల కుదరకపోవడంతో శస్త్ర చికిత్స చేయించుకునే ఆలోచనలో అనుష్క వుందని తెలిసింది.

కానీ ఈ శస్త్ర చికిత్స తర్వాత కోలుకోవడానికి చాలా సమయం పడుతుందని తెలియడంతో అనుష్క మళ్లీ ఆలోచనలో పడ్డట్లుగా తెలిసింది. ప్రస్తుతం అనుష్క మాత్రం ఫిట్ నెస్ ట్రైనర్ల సహాయంతో తన బరువును నార్మల్ గా తగ్గించుకునే ప్రయత్నంలో బిజీగా వుంది. త్వరలోనే ‘బాహుబలి2’ చిత్ర షూటింగ్ ప్రారంభం కానుంది. మరి అనుష్క ఎలాంటి నిర్ణయం తీసుకోనుందో చూడాలి.