మరోసారి మరదలితోనే రొమాన్స్ చేయనున్నాడా?

Posted: 08/19/2015 03:56 PM IST

పవర్ స్టార్ పవన్ కళ్యాణ్ హీరోగా నటిస్తున్న తాజా చిత్రం ‘సర్దార్ గబ్బర్ సింగ్’. ఇటీవలే విడుదలైన ఫస్ట్ లుక్ పోస్టర్లకు భారీ రెస్పాన్స్ వస్తోంది. ఇందులో మరోసారి పవన్ కళ్యాణ్ భారీ తిక్క వున్న పవన్ ఫుల్ పోలీస్ ఆఫీసర్ పాత్రలో నటిస్తున్నట్లుగా తెలిసింది.

‘పవర్’ ఫేం బాబీ దర్శకత్వంలో తెరకెక్కుతున్న ఈ చిత్రాన్ని ప్రముఖ నిర్మాత శరత్ మరార్ భారీ బడ్జెట్ తో నిర్మిస్తున్నారు. అయితే ఇందులో పవన్ సరసన నటించబోయే హీరోయిన్ ఎవరు అనేది ఇంకా ఫైనలైజ్ చేయలేదు. కానీ ముందుగా అనీషా అంబ్రోస్ ను హీరోయిన్ గా అనుకున్నప్పటికీ... ఆ తర్వాత మళ్లీ ఈ అమ్మడి స్థానంలో ఇతర టాలీవుడ్ స్టార్ హీరోయిన్ల పేర్లు కూడా వినిపించాయి.

అయితే తాజాగా ఆ స్థానాన్ని సమంత దక్కించుకున్నట్లుగా తెలిసింది. ‘సర్దార్ గబ్బర్ సింగ్’ సినిమాలో సమంతను హీరోయిన్ గా ఎంపిక చేయబోతున్నట్లుగా తెలిసింది. ‘అత్తారింటికి దారేది’ సినిమాలో పవన్ సరసన హీరోయిన్ గా నటించింది. ఇందులో వీరిద్దరూ బావమరదల్లుగా నటించారు. ఈ సినిమాలో ఈ జోడికి మంచి మార్కులే పడ్డాయి. దీంతో మరోసారి సమంత అయితేనే బాగుంటుందనే వుద్దేశ్యంతో ‘సర్దార్ గబ్బర్ సింగ్’ చిత్ర యూనిట్ భావిస్తున్నట్లుగా తెలిసింది.

త్వరలోనే ఈ చిత్ర వివరాలను అధికారికంగా ప్రకటించనున్నారు. ప్రస్తుతం ఈ చిత్ర షూటింగ్ శరవేగంగా జరుగుతోంది. ఇప్పటికే విడుదలైన ఫస్ట్ లుక్ పోస్టర్ కు భారీ రెస్పాన్స్ వస్తోంది. అభిమానులు చాలా సంతోషంగా వున్నారు. హై వోల్టేజ్ యాక్షన్ ఎంటర్ టైనర్ గా రూపొందుతున్న ఈ చిత్రానికి దేవిశ్రీప్రసాద్ సంగీతం అందిస్తున్నాడు. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.