కాంచన కోసం నాగార్జునను సంప్రదించాడట!

Posted: 05/09/2015 02:10 PM IST

ప్రముఖ డాన్స్ డైరెక్టర్ రాఘవ లారెన్స్ ఇటీవలే దర్శకుడిగా మారి వరుసగా కమర్షియల్, హర్రర్, కామెడీ చిత్రాలను తెరకెక్కిస్తున్న విషయం తెలిసిందే. ‘మాస్’ సినిమాతో డైరెక్టర్ గా ఎంట్రీ ఇచ్చిన లారెన్స్... ఇటీవలే విడుదలైన ‘గంగ’ వరకు వరుసగా విజయాలు సాధిస్తున్నాడు.

అయితే లారెన్స్ దర్శకత్వంలో నాగార్జున ‘మాస్’, ‘డాన్’, స్టైల్(స్పెషల్ గెస్ట్ రోల్) చిత్రాలను చేసిన విషయం తెలిసిందే. లారెన్స్ స్వీయ దర్శకత్వంలో నటించిన ‘కాంచన’ చిత్రం తెలుగులో ఎంతటి ఘనవిజయం సాధించిందో అందరికి తెలిసిందే. ఇందులో లారెన్స్ హిజ్రా పాత్రలో అద్భుతమైన నటనను కనబరిచాడు.

ఈ కథను ముందుగా నాగార్జున కోసం చెప్పాడట. కానీ సినిమాలో హిజ్రాగా చీరకట్టుకోవడం, అలాగే చీరకట్టుకొని డాన్స్ చేయడం వంటి పలు సన్నీవేశాలు వుండటం వల్ల సైలెంట్ అయిపోయారు. కానీ ఆ పాత్రకు నువ్వైతేనే బాగా చేస్తావ్, డాన్స్ కూడా తెలుసు కాబట్టి.. ఆ పాత్రకు నువ్వే న్యాయం చేయగలుగుతావంటూ తనని నాగ్ ప్రోత్సాహించినట్లుగా లారెన్స్ చెప్పుకొచ్చాడు.

లారెన్స్ చెప్పినట్లుగా ఒకవేళ నాగార్జున ‘కాంచన’లో నటిస్తే ఎలా వుండేదో ఒకసారి ఊహించుకోండి. అసలే అమ్మాయిల ఫాలోయింగ్ ఎక్కువ వున్న నాగార్జున ‘కాంచన’ చేసుంటే ఇంకా ఎక్కువయ్యేవారా లేక తక్కువయ్యేవారా? కానీ ‘కాంచన’ చిత్రంలో లారెన్స్ అద్భుతమైన నటనకు విమర్శకుల ప్రశంసలు అందుకున్నాడు.