అబ్బాయ్, బాబాయ్ కలిసి వస్తున్నారహో

Posted: 11/14/2014 01:46 PM IST

Balakrishna ntr combined show in memu saitham with boyapati

నందమూరి ఫ్యాన్స్ అన్ని పండగలు ఒకేసారి చేసుకునేంత సంతోషం ఇచ్చే వార్త ఇది. నందమూరి నట రత్నాలు బాలకృష్ణ, జూనియర్ ఎన్టీఆర్ ఇప్పటివరకు చాలా సినిమాలు తీశారు.., ప్రస్తుతం తీస్తున్నారు. ఒకే కుటుంబానికి చెందినవారయినా.., ఇప్పటివరకు ఇద్దరూ కలిసి మాత్రం నటించలేదు. ఇది ఫ్యాన్స్ కు పెద్ద లోటుగా ఉంది. కాని త్వరలో ఈ లోటు తీరనుంది. హుద్ హుద్ తుఫాను బాధితుల సహాయార్ధం ఈనెల 30న జరిగే ‘మేముసైతం’ కార్యక్రమంలో వీరిద్దరూ కలిసి ఒక స్కిట్ చేస్తున్నారని టాక్ విన్పిస్తోంది.

12గంటల పాటు జరిగే ఈ కార్యక్రమంలో పవన్ కళ్యాణ్-మహేష్ బాబు కలిసి ఒక ప్రదర్శన ఇస్తున్నారు. త్రివిక్రమ్ శ్రీనివాస్ సమక్షంలో ఇద్దరు స్టార్లు కలిసి ప్రదర్శన ఇవ్వనున్నారు. ఇద్దరికీ ప్రశ్నలు వేస్తే.., ఆసక్తిగా వీరు సమాధానాలు చెప్తారని తెలుస్తోంది. ఈ క్రమంలోనే నందమూరి హీరోలతో సంచలన డైరెక్టర్ బోయపాటి శ్రీను ఓ ప్రదర్శన ఇస్తారని అంటున్నారు. ప్రస్తుతం దీనిపై బోయపాటి వర్క్ చేస్తున్నారట. ఇది సరదాగా ఆకట్టుకునేలా ఉంటుందని సన్నిహితులు అంటున్నారు.

బాలకృష్ణ-ఎన్టీఆర్ కాంబినేషన్ షో ఈ వార్త తెలియటంతో నందమూరి ఫ్యాన్స్ సంతోషం వ్యక్తం చేస్తున్నారు. 12 గంటల పాటు జరిగే ఈ కార్యక్రమంలో అంత్యాక్షరి, డాన్స్ సహా ఇతర ప్రదర్శనలు ఉంటాయి. అంతేకాకుండా టాలీవుడ్ యంగ్ హీరోలుగా విడిపోయి ఈ మ్యాచ్ ఆడనున్నారు. ఈ క్రికెట్ మ్యాచ్ కు వెంకటేష్ హెడ్ గా వ్యవహరించనున్నాడు. ఈ షోకు కోలీవుడ్ నుంచి రజినీకాంత్, కమల్ హాసన్, సూర్య, కార్తి, విక్రమ్ తదితరులు పాల్గొంటున్నారు. వీరిలో కార్తి, సూర్య కలిసి ఒక స్కిట్ చేస్తారు.

కార్తిక్