బెజవాడ రౌడీలు అంటేనే తట్టుకోలేదప్పుడు!

Posted: 06/29/2014 12:43 PM IST

దేశంలోనే ఉత్తమ దర్శకుడిగా పేరుగాంచిన రామ్ గోపాల్ వర్మే బెజవాడ రౌడీలు అని పెట్టిన సినిమా టైటిల్ కి నిరసన చూపించారు విజయవాడవాసులు.  టైటిల్ ని మార్చనుగాక మార్చనని ముందు అన్నా చివరకు వర్మకు మార్చక తప్పలేదు.  
అలాంటిది ఆటోనగర్ సూర్య చిత్రంలో దేవ కట్టా ఏకంగా కృష్ణా జిల్లానే టార్గెట్ చేసి పంచ్ వేసారు.  అంత స్పీడ్ గా పార్టీ మార్చావేం అంటే, కృష్ణా జిల్లా వాళ్ళం కదా అన్న డైలాగ్ ఉంది.  ఆటోనగర్ సూర్యకి డైలాగ్ రైటర్ దేవ కట్టాయే.  
దీనితో కృష్ణా జిల్లా వాసులంటే పార్టీలు మార్చేవాళ్ళమనా అంటూ చాలామంది మండిపడుతున్నారు.  అయితే ఆ డైలాగ్ అంతటితో అయిపోలేదు.  కృష్ణా జిల్లా వాళ్లం కదా ఆ మాత్రం ఫ్లెక్సిబిలిటీ ఉండాలి అన్నది పూర్తి డైలాగ్.  ఇక్కడ దేవ కట్టా ఫ్లెక్సిబిలిటీకి ప్రాధాన్యతనిచ్చారు.  దాన్ని ఉపయోగించుకుని ఎవరు చేసే పని వాళ్ళు చేసుకుంటారు.  
అయితే ఈ డైలాగ్ ని కత్తిరించమని అడిగినా అడగవచ్చు కృష్ణా జిల్లా మీద అభిమానమున్నవాళ్ళు.  ఇంకా వ్యవహారం అంతవరకు పోలేదనుకోండి.  కానీ ఆ డైలాగ్ పట్ల వ్యతిరేకత, నిరసనలైతే కృష్ణా జిల్లాలో కనపడుతున్నాయి.  
-శ్రీజ