నాగార్జున గ్రీకువీరుడు ఇంటర్యూ

Posted: 05/15/2013 05:40 PM IST

ఈ 'గ్రీకు వీరుడు' అమృతం తాగాడా ???

తెలుగు సినీ పరిశ్రమ లో నేటికీ ఏనాటికీ 'గ్రీకు వీరుడు' అంటే కింగ్ నాగార్జునే . తన తరువాతి తరం వారికి కూడా గట్టి పోటీ ఇస్తున్న ఈ హీరో లేటెస్ట్ హిట్ 'గ్రీకు వీరుడు' గురించి నాగ్ చెప్పిన విశేషాలు ;

గ్రీకువీరుడిగా నాగ్ మారడం

మిగితా హీరోల కన్నా నేను ప్రయోగాలు ఎక్కువగా చేస్తాను అని ... ఇందుకు నిదర్సనం , ఈ మధ్యనే విడుదల అయిన 'రగడ' నుండి 'గగనం' , 'రాజన్న', 'షిరిడి సాయి' , 'ఢమరుకం', ఇంతకంటే ముందు ఎన్నో సినిమాలు ఇక ఇప్పుడు 'గ్రీకు వీరుడు' అంటారు అంతా... నిజమే సినిమా సినిమాకి పొంతన లేకుండా , నా పాత్ర దగ్గరి నుండి సినిమా కధ వరకు ప్రతీ విషయం విన్నూత్నంగా ఉండటం నాకు ఇష్టం . నాతొ 'సంతోషం' వంటి విజయవంతమైన సినిమా తీసిన దసరధ్ , 'గ్రీకు వీరుడు' కధ తో నా దగ్గరికి వచ్చినప్పుడు , తప్పకుండా ఈ సినిమా చేద్దాం అని మొదలు పెట్టాం . నా సొంత నిర్మాణ సంస్థ వంటి 'కామాక్షీ మోవీస్' వారు ఈ సినిమా నిర్మించడానికి ముందుకు వచ్చారు . ఈ సినిమాలో నా పాత్రను బట్టి , ఒక ఖచ్చితమైన వ్యాపారవేత్త , పక్కాగా వ్యాపారం లో విజయమే ప్రధానం , కుటుంబ విలువలు , ప్రేమ వంటి ఎమోషన్స్ కి ఏ మాత్రం విలువ ఇవ్వని వ్యక్తీ పాత్రలో నేను కనిపిస్తాను కాబట్టి, వేషధారణ దగ్గరినుండి , డైలాగ్లు చెప్పే తీరు , బాడీ లాంగ్వేజ్ వరకు నేను - దసరధ్ కలిసి ఎన్నో మార్పులే చేసాం . ఈ రోజు చిత్రం విడుదల అయిన తరువాత అందరు నా పాత్రని మెచ్చుకుంటూ ఉంటె , స్వీకరిస్తూ ఉంటె చాలా ఆనందంగా ఉంది .

దసరధ్ గురించి ...

చాలా క్లెరిటీ ఉన్న దర్శకుడు దసరధ్ ... ఓక్ లొకేషన్లో ఫలానా సీన్ షూట్ చేస్తున్నప్పుడు  తనకు ఇదే షూటింగ్ స్పాట్ లో చిత్రంలో వచ్చే ఇంకో సన్నివేశం తీయచ్చు అని స్ట్రైక్ అయితే , 'కాస్త డ్రెస్ చేంజ్ చేసుకుని రండి ' అని చెప్పి ఆ షాట్ కూడా తీసేస్తాడు . అంటే సినిమా మొత్తం , మొదటి నుండి చివరి షాట్ వరకు తన బ్రెయిన్ లో ఫీడ్ చేసుకునేంత క్లెరిటీ దసరధ్ కి ఉంది . అందుకే 'సంతోషం' సినిమా కధ చెప్పడానికి వచ్చినప్పుడు ఒక దర్శకుడు చెప్పే స్టయిల్ లో దసరధ్ కధ చెప్తే , 'ఇతనే ఈ సినిమాని ఎందుకు డైరెక్ట్ చెయ్యకూడదు?' అని దసరధ్ కి అవకాసం ఇచ్చాం . అప్పుడు కూడా, తాను దర్శకత్వం వహించగలనా అని నిర్ణయించుకోడానికి 3 రోజులు సమయం తీసుకుని మరీ ఒకే చెప్పిన దసరధ్ ఆలోచనా తీరు నన్ను అమితంగా ఆకర్షించింది . ఒకొక్క దర్శకుడికీ ఒక్కో ఐడెంటిటీ , అలాగే దసరధ్ సినిమా అంటే , ఫ్యామిలీ ఎమోషన్స్ తప్పనిసరిగా ఉండాల్సిందే . అందుకే అన్ని ఎమోషన్స్ మిళితమైన 'గ్రీకు వీరుడు' అన్ని వర్గాల ప్రేక్షకులని ఆకట్టుకుంటోంది .

తమన్ సంగీతం

సినిమా కి ఒక వరం . దసరధ్ యెంత అద్భుతంగా తాను అనుకున్న కధని తెరమీద చూబించి , మేమంతా యెంత బాగా నటించినా , సంగీతం కూడా తోడయ్యి చిత్ర విజయానికి దోహదపడింది . సాహిత్యం - సంగీత విలువలు ముఖ్యంగా ఈ చిత్రం లో గమనిస్తే , ప్రతీ పాట సందర్భోచితంగా ఒచ్చి , చిత్ర కధను ముందుకు తీసుకువెళ్లేదే ... 'ఐ హెట్ లవ్ స్టోరీస్' పాట కూడా కధానాయకుడి గురించి చెప్పేదే ... తమన్ మరోసారి తన టాలెంట్ చాటుకున్నాడు .

నయనతార పాత్ర

చిత్రానికి ఎంతో కీలకం . హీరోతో సమానంగా ఉంటుందీ పాత్ర . హీరో క్యారెక్టర్ ఎలివేట్ అవ్వాలి అంటే , హీరోయిన్ ఆలోచనా విధానం కూడా అంతే స్పష్టంగా చూబించాలి . అందుకు దసరధ్ హీరోయిన్ పాత్రను ఎంతో చక్కగా మలిస్తే , నయనతార వంటి నటి ఈ పాత్రకు 100 % న్యాయం చేసింది ... మొత్తానికి అందరూ కలిసి 'గ్రీకు వీరుడు ' ని విజయ పధం వైపు నడిపించి , మరిన్ని నూతన ప్రయత్నాలు నేను చెయ్యడానికి కొత్త ఉత్సాహం ఇచ్చారు .

'గ్రీకు వీరుడు' గా అలరిస్తున్న నాగ్ త్వరలో 'భాయ్' గా ఎంతర్టేయిన్ చెయ్యడానికి మన ముందుకు వస్తున్నారు