విశ్వసుందరి ఓలీవియా కల్పో ఇంటర్వ్యూ

Posted: 12/22/2012 11:59 AM IST

కాలేజీ అమ్మాయి... అనుకోకుండా అందాల పోటీల వైపు అడుగులేసింది. ఇప్పుడేమో విశ్వసుందరి కిరీటమే గెల్చుకుంది. ఆమే అమెరికా అమ్మడు ఓలీవియా కల్పో సంతోషంలో మనతో పంచుకున్న కొన్ని విషయాలు.

అందాల పోటీల పై యావ ?
మూడేళ్ళ కిందటే మొదలైంది. అది స్నేహితుల బలవంతంతో...

మర్చిపోలేనే అనుభవం ?
‘మిస్ రోడ్ ఐలాండ్ ’ పోటీలలో పాల్గొన్న సందర్భం. అద్దె గౌనుతో వెళ్లి అందాల కిరీటం గెచ్చుకున్నా.

మిస్ యూనివర్స్ కోసం...?
మోడలింగ్ ఏజెన్సీ, టాలెంట్ ఏజెన్సీలో ఆర్నెళ్ళ శిక్షణ తీసుకున్నా.

ఒక్క నిజం....?
బ్యూటీ పోటీల్లో ప్లాస్టిక్ అందాలే ఎక్కువ. నాది మాత్రం నిజమైన సొగసు. గర్వంగా చెబుతాను ఈ మాట.

సొగసు పోటీలు కాకుండా...?
సెల్లో (వాయిద్య పరికరం) వాయిస్తా. ప్రఖ్యాత సెల్లిస్ట్ యో-యో-మాతో కచేరీలు చేశా. పెయింటింగ్స్ వేస్తా. వేసిన బొమ్మలతో ఛారిటీ చేశా.

నచ్చేది, మెచ్చేది?
సింగర్ ర్యాన్ గోస్లింగ్  ఆరాధిస్తా. టామ్ హాంక్స్ కి వీరాభిమానిని.మంచి

రాజకీయ నాయకుడంటే....?
రోనాల్డ్ రీగన్. విప్లవాత్మక ఆర్థిక సంస్కరణలు తెచ్చారు.

ఓ కుర్రాడు డేట్ కి రమ్మంటే..?
సంతోషంగా వెళ్తా. నన్ను ఇష్టపడే వాళ్ళు సంతోషంగా ఉండటమే నాకిష్టం.

టైటిల్ తో పాటు...?
న్యూయార్క్ లో ఖరీదైన అపార్ట్ మెంట్, సౌందర్యోపకరణాలు, వజ్రాల కిరీటం దక్కాయి.

తర్వాతి అడుగులు ?
టీవి, సినిమా రంగాల్ని ఏలబోతున్నా.

టైటిల్ తెచ్చిన జవాబు...?
వైఫల్యాలకు కుంగి పోవద్దు. అవి జీవిత పాఠాలు నేర్పే నేస్తాలు.

అమెరికాలో పుట్టి ఉండకుంటే...?
ఇటలీలో ఉండే దాన్ని, ఇటాలియన్ అంటే చాలా ఇష్టం. ఇటలీ భాషను చాలా కష్టపడి నేర్చుకున్నా.

విశ్వసుందరిగా మొదటి రోజు?
అభిమానంతో తడిసి ముద్దవుతున్నా.... బేవర్లీహిల్స్ లో మేగజైన్ కి కవర్ ఫోటోలకు ఫోజులు ఇచ్చా.