ఓటీటీ ఫ్లాట్ ఫామ్ లో ఉప్పెన.. నెట్ ఫ్లిక్స్ లో అప్పట్నించీ..

Posted: 02/15/2021 07:50 PM IST

మెగాప్యామిలీ నుంచి తాజాగా ఉప్పెన చిత్రంతో తెరంగ్రేటం చేసిన వైష్ణవ్ తేజ్ సినిమా.. కరోనా తరువాత బాక్సాఫీస్‌ వద్ద వసూళ్ల సందడి చేస్తున్న చిత్రాల్లో ఒకటి. ప్రేమికుల రోజును పురస్కరించుకుని ఈ నెల ఫిబ్రవరి 12 విడుదలైన ఈ చిత్రం థియేటర్లలో కలెక్షన్ల సునామీ సృష్టిస్తోంది. సుకుమార్ శిష్యుడు బుచ్చిబాబు దర్శకత్వంలో తెరకెక్కిన ఈ సినిమా ప్రేక్షకుల నుంచి మంచి ఆదరణ సొంతం చేసుకొని సక్సెస్ టాక్‌తో ముందుకెళుతుంది. ఈ సినిమాలో వైష్ణవ్ కు జోడీగా కృతి శెట్టి నటించగా.. తమిళ స్టార్ హీరో విజయ్ సేతుపతి విలన్‌ పాత్రలో నటించాడు.

మైత్రీ మూవీ మేకర్స్‌ నిర్మించిన ఈ సినిమాకు దేవి శ్రీ ప్రసాద్‌ స్వరాలు సమకూర్చారు. తాజాగా ఉప్పెన సినిమా ఓటీటీలోకి రాబోతుందనే వార్త చర్చనీయాంశంగా మారింది. విషయం తెరమీదకు వచ్చింది. కరోనాతో ఓటీటీకి భలే డిమాండ్ వచ్చింది. ఈ ఫ్లాట్ ఫాంలోని పలు సంస్థలు భారీ ధరలకు సినిమాలను దక్కించుకుంటున్నాయి. దీంతో ఇటీవల విడుదలైన రవితేజ క్రాక్, విజయ్ మాస్టర్ చిత్రాలు కూడా అటు సిల్వర్ స్క్రీన్ పై విడుదలైన మరుసటి వారంలో ఓటిటీలో ప్రత్యక్షమైయ్యాయి. దీంతో ఉప్పెన కూడా ఓటీటీలో ప్రదర్శించితం కానుందన్న టాక్ వినపిస్తోంది.

అయితే ఈ చిత్రం బాక్సాఫీసు వద్ద సునామీ సృష్టించడంతో 40 నుంచి 60 రోజుల తరువాతే ఓటీటీలో విడుదల అవుతుందన్న టాక్ వినబడుతోంది. అయితే ఈ సినిమా ఓటీటీ సంస్థ నెట్‌ఫ్లిక్స్‌లో మార్చి 26 నుంచి ప్రారంభం కానున్నదని ఒకవైపు టాక్ వినిపిస్తోంది. అదే విధంగా ఏప్రిల్‌ 11 నుంచి దర్శనం ఇవ్వనుందని మరోవైపు వినికిడి. ఈ రెండింటిలో ఏది వాస్తవమో తెలియాలంటే మరికొన్ని రోజులు వేచి ఉండాల్సిందే. ఇక విడుదలకు ముందే పాటలతో భారీ అంచనాలను ఏర్పరచుకున్న ఉప్పెన మూవీ డిజిటల్ హక్కుల కోసం అమెజాన్, ఆహా సంస్థలు కూడా పోటీ పడగా.. నెట్ ప్లిక్స్ భారీ ధరకు దక్కించుకున్నట్లు తెలుస్తోంది.