మమ్ముట్టికి మెగా శుభాకాంక్షలు.. మన స్నేహం చెక్కుచెదరలేదని వ్యాఖ్య

Posted: 09/08/2020 12:57 AM IST

మలయాళ సూపర్ స్టార్ మమ్ముట్టి ఇవాళ పుట్టినరోజు జరుపుకుంటున్నారు. ఈ రోజు పుట్టిన‌రోజు జ‌రుపుకుంటోన్న సంద‌ర్భంగా ఆయ‌నకు ప‌లువురు సినీప్ర‌ముఖులు శుభాకాంక్ష‌లు తెలుపుతున్నారు. మెగాస్టార్ చిరంజీవి కూడా మమ్ముట్టికి పుట్టిన‌రోజు శుభాకాంక్ష‌లు తెలిపారు. "హ్యాపీ బ‌ర్త్ డే డియ‌ర్ మ‌మ్ముట్టి.. ఈ అద్భుత‌మైన ఇండ‌స్ట్రీలో మీకు స‌హ‌చ‌రుడిగా ఉన్నందుకు గ‌ర్వ‌ప‌డుతున్నాను. ఇన్నేళ్లుగా సినీ ప‌రిశ్ర‌మ‌కు మీరు అందిస్తున్న సేవ‌లు చాలా గొప్ప‌వి. సినీ ప్రేమికులు ఎప్ప‌టికీ వాటిని గుర్తు చేసుకుంటూనే ఉంటారు. ప్రేక్ష‌కులను ఎప్పటికీ మీరు ఇలాగే ఉత్సాహపరుస్తూ ఉంటార‌ని ఆశిస్తున్నాను" అని చిరంజీవి ట్వీట్ చేశారు.

దీంతో మమ్మూటీ కూడా మెగాస్టార్ చిరంజీవికి బదులిచ్చారు. తన జన్మదినం రోజున శుభాకాంక్షలు చెప్పిన చిరంజీవికి ఆయన కృతజ్ఞతలు తెలిపారు. మమ్మూటీ సాహచర్యం పట్ల గర్విస్తున్నానని తెలిపారు. ఈ సందర్భంగా మమ్ముట్టి చిరంజీవికి కృతజ్ఞతలు తెలుపుతూ.. "థాంక్యూ చిరు భాయ్! మన స్నేహాన్ని చూసుకుంటే మద్రాస్ లో గడిపిన రోజులకు వెళ్లాలి. ఎన్నో ఏళ్లు గడిచాయి, ఎన్నో జ్ఞాపకాలు... మన స్నేహం మాత్రం అలాగే ఉంది" అంటూ మమ్ముట్టి ట్విట్టర్ లో స్పందించారు.

Happy Birthday Dear @mammukka ! Proud to be your colleague in this wonderful industry.Your work over the years is a real treasure that movie lovers always relish & keep asking for more. May you continue to enthrall the audiences for many many years. ജന്മദിനാശംസകൾ !

— Chiranjeevi Konidela (@KChiruTweets) September 7, 2020