బాలీవుడ్ మెగాస్టార్ బిగ్ బీ అమితాబ్ బచ్చన్ కరోనా పాజిటివ్

Posted: 07/12/2020 01:02 AM IST

ప్రపంచవ్యాప్తంగా అనేక మందిపై తన ప్రభావాన్ని చూపిన కరోనా మహమ్మారి పలువురు హాలీవుడ్ నటులను కూడా కబళించి వేసింది. ఇక్క చిత్రరంగమే కాదు పలు రంగాలకు చెందిన ప్రముఖులను కూడా కబళించి వేసింది. ఇక మన దేశంలోనూ కాలీవుడ్ నిర్మాతను, రాజకీయ రంగ ప్రముఖులను కూడా కబళించింది. ఇక తాజాగా బాలీవుడ్ మెగాస్టార్ బిగ్ బీ అమితాబ్ బచ్చన్ పై కూడా కరోనా తన బారిన వేసుకుంది. అమితాబ్ బచ్చన్ కు టెస్టింగ్ లో పాజిటీవ్ రావడంతో ముంబైలోని నానావతి హాస్పిటల్‌లో అడ్మిట్ అయ్యాడు. అయితే అందరూ కంగారు చెందినట్టు అయన తనకు కరోనా పాజిటివ్ వచ్చానా ఎలాంటి అందోళనకు గురికాలేదు.

అంతేకాదు తనకు కరోనా పాజిటివ్ వచ్చిందని ఆయనే స్వయంగా తన సోషల్ మీడియా అకౌంట్ ద్వారా అభిమానులకు, ప్రపంచానికి తెలిపాడు. తనతో పాటు కుటుంబ సభ్యులు కూడా ఐసోలేషన్‌లో ఉన్నారని చెప్పాడు అమితాబ్. అయితే దేశంలోనే అత్యధిక కరోనా కేసులతో మహారాష్ట్ర అందులోనూ దేశ ఆర్థిక రాజధాని నగరం ముంబైపై అధిక ప్రభావం వుంది. ఇప్పటికే ముంబైలో కరోనా కేసులు భారీగా పెరిగిపోయాయి. అక్కడ బాలీవుడ్ దర్శక నిర్మాతలు కూడా చాలా మంది కరోనా బారిన పడ్డారు. ఇప్పటికే బాలీవుడ్‌లో స్టార్ మ్యూజిక్ డైరెక్టర్ వాజిద్ ఖాన్ కరోనాతోనే చనిపోయాడు. ఆయనతో పాటు మరో అరుగురి వరకు కోవిడ్ 19 కారణంగా కన్నుమూసారు. అందులో సీనియర్ నటులతో పాటు నిర్మాతలు కూడా ఉన్నారు. ఇప్పుడు అమితాబ్ కూడా కోవిడ్ బారిన పడటంతో అభిమానులు ఆందోళన పడుతున్నారు.

T 3590 -I have tested CoviD positive .. shifted to Hospital .. hospital informing authorities .. family and staff undergone tests , results awaited ..
All that have been in close proximity to me in the last 10 days are requested to please get themselves tested !

— Amitabh Bachchan (@SrBachchan) July 11, 2020