దుమ్మురేపుతున్న ‘మహర్షి’ తొలివారం కలక్షన్లు.. అక్కడ డిజాస్టర్

Posted: 05/16/2019 03:46 PM IST

Mahesh babu s maharshi movie first week worldwide box office collections impressive

భారీ బడ్జెట్.. భారీ తారాగణంతో ప్రేక్షకుల ముందుకు వచ్చిన ‘మ‌హ‌ర్షి’ సినిమా తొలివారం నాన్ బాహుబ‌లి రికార్డుల‌ను తిర‌గ‌రాసింది. ప్ర‌పంచ వ్యాప్తంగా వెన‌క‌బ‌డినా కూడా ఆంధ్రా తెలంగాణ‌లో మాత్రం దూసుకుపోతుంది. తెలుగు చిత్రపరిశ్రమలో ముగ్గురు పెద్ద నిర్మాతలు కలిసి ఈ సినిమాను నిర్మించడంతో, సహజంగానే ఈ సినిమాపై అంచనాలు పెరుగుతూ వచ్చాయి. ఇక దర్శకుడిగా వంశీ పైడిపల్లికి కథ, కథనం సినిమాకు ప్రధానమైన ఆకర్షణగా నిలిచాయి. మహేశ్ బాబు డిఫరెంట్ లుక్స్ తో పోస్టర్స్ పై కనిపించడం అభిమానుల్లో ఆసక్తిని రేకెత్తించింది.

అలా ఈ నెల 9వ తేదీన ప్రేక్షకుల ముందుకు వచ్చిన ఈ సినిమా, భారీ ఓపెనింగ్స్ ను రాబట్టింది. ప్రపంచవ్యాప్తంగా సుమారు 75 కోట్ల రూపాయల కలెక్షన్స్ ను రాబట్టిన ఈ చిత్రం తెలుగు రాష్ట్రాల్లో మొదటివారంలో ఈ సినిమా 59.37 కోట్ల షేర్ ను వసూలు చేసింది. తొలివారంలో ఈ సినిమా ఒక్క నైజామ్ లోనే 21.67 కోట్ల షేర్ ను సాధించడం విశేషం. అయితే ఇందుకు ఐదు షోలతో పాటు టికెట్ ధర పెంపు కూడా కారణంగా పరిగణిస్తున్నారు విశ్లేషకులు. అయినా ఇది మహేశ్ బాబు కెరియర్లోనే అత్యధిక వసూళ్లని చెబుతున్నారు. మహేశ్ బాబు అభిమానులు కోరుకున్నట్టుగానే ఆయనకి భారీ విజయం దక్కింది.

ఈ చిత్రం సేఫ్ కావాలంటే మ‌రో 30 కోట్లు రావాలి. రెండో వారం కూడా మ‌హ‌ర్షి దూకుడు కొన‌సాగేలా క‌నిపిస్తుంది. ఎందుకంటే ఈ చిత్రానికి పోటీగా ఇప్పుడు మ‌రే సినిమా లేదు. దాంతో క‌చ్చితంగా రెండో వారం కూడా మ‌హేశ్ బాబు ర‌చ్చ చేయ‌డం ఖాయం. అయితే వీక్ డేస్‌లో ఇప్ప‌టికే సినిమా చాలా చోట్ల స్లో అయింది కానీ చెప్పుకోద‌గ్గ వ‌సూళ్లు వ‌స్తున్నాయి. మ‌రోవైపు ప్ర‌మోష‌న్స్ కూడా భారీగానే చేస్తున్నారు నిర్మాత‌లు. చిత్ర విజయానికి తన వంతు బాధ్యతగా అటు సీఈవోలతో, ఇటు రైతుల‌తో కూడా ముఖాముఖి అవుతున్నాడు మ‌హేశ్ బాబు. అయితే ఓవ‌ర్సీస్‌లో మాత్రం మ‌హ‌ర్షి అనుకున్నంత‌గా ప‌ర్ఫార్మ్ చేయ‌కపోవడంతో డిజాస్ట‌ర్ గా మారింది.