ఆసక్తి రేపుతున్న థగ్స్ ఆఫ్ హిందూస్థాన్ ట్రైలర్

Posted: 09/27/2018 05:06 PM IST

Thugs of hindostan trailer aamir khan amitabh bachchan battle it out

బాలీవుడ్ మెగాస్టార్, బిగ్ బి అమితాబ్ బచ్చన్, అమీర్ ఖాన్ హీరోలుగా నటించిన థగ్స్ ఆఫ్ హిందూస్తాన్ సినిమా ట్రైలర్ దుమ్మురేపుతుంది. ఇవాళ రిలీజ్ అయిన ఈ ట్రైలర్ లో అటు బిగ్ బి అమితాబ్, ఇటు అమీర్ ఖాన్ లిద్దరూ హుషారుగా కనబడుతున్నారు. కత్రినా కైఫ్, ఫాతిమా సనా షేక్ హీరోయిన్లుగా నటిస్తున్న ఈ చిత్రానికి సంబంధించిన మూడు నిమిషాల 36 సెకెన్ల ట్రైలర్ ను సినీ నిర్మాణ వర్గాలు ఇవాళ విడుదల చేశాయి.

భారత దేశ స్వాతంత్ర్యసమరానికి పూర్వానికి సంబంధించిన ఈ చిత్రంలో అమితాబ్, అమీర్ కస్టూమ్స్, గెటప్స్ అకర్షణీయంగా వున్నాయి. మోసం చేయడం నా స్వభావం అని అమితాబ్‌ తో ఆమిర్‌ అంటాడు. ఇందుకు అమితాబ్‌.. నమ్మకం నా స్వభావం అనే డైలాగ్ ఆకట్టుకుంటుంది. భారీ బడ్జెట్ తో రూపొందించిన ఈ ట్రైలర్ ఆద్యంతం ఆకట్టుకుంది. బాలీవుడ్ లో ఇప్పటి వరకు ఎవరు చేయని ప్రయోగాన్ని విజయ్ కృష్ణ ఆచార్య చేస్తున్నారు. యాష్ రాజ్ ఫిలిమ్స్ సంస్థ ఈ సినిమాను రూపొందిస్తున్నది.

ఇందులో అమితాబ్ బందిపోటు దొంగగా నటిస్తున్నాడు. అమితాబ్, ఫాతిమా క్యారెక్టర్స్ ఆస‌క్తిక‌రంగా ఉన్నాయి. ఈ మూవీలో అమీర్ ఖాన్ ఫిరంగి ముల్లాహ్ అనే క్యారెక్టర్ లో కనిపించి ప్రేక్షకులకు కనువిందు చేయనున్నాడు. ట్రైలర్ విజువల్ వండర్ గా రూపొందింది. స్వాతంత్య్రానికి పూర్వం బందిపోట్లకు, బ్రిటిష్ సైనికులకు మధ్య జరిగే పోరాటమే ఈ థగ్స్ ఆఫ్ హిందూస్తాన్. ఆ వయసులో కూడా అమితాబ్ ఎంతో చక్కగా నటించారు. హిందీతో పాటు ఈ మూవీ తెలుగు, త‌మిళ భాష‌ల‌లో దీపావ‌ళి కానుక‌గా న‌వంబ‌ర్ 8న రిలీజ్ కానుంది.