అమలాపాల్ వేధింపుల కేసు.. వెనకాల పెద్ద సెక్స్ రాకెట్

Posted: 02/15/2018 05:18 PM IST

కోలీవుడ్ లో తాజాగా అమలాపాల్ సాహసంతో ఓ సెక్స్ రాకెట్ బయటపడిన విషయం తెలిసిందే. అళగేశన్ అనే వ్యక్తి ఆమెను అందులోకి లాగాలని ప్రయత్నించటం.. అతడితో పాటు మరో ఇద్దరిని రెడ్ హ్యాండెడ్ గా ఆమె పట్టించటం కలకలమే రేపింది. ఇప్పుడు ఈ సెక్స్ రాకెట్ లో మరికొందరు హీరోయిన్ల పేర్లు బయటకు వచ్చే అవకాశం ఉంది.

మలేషియా ఈవెంట్ కోసం అమల ప్రిపేర్ అవుతుండగా ఓ వ్యక్తి వచ్చి ఇతర ఇండస్ట్రీ పర్సన్స్ తో జరిగే ఓ డిన్నర్ కు అటెండ్ కావాలని ఆఫర్ ఇచ్చాడట. ఏంటి ఆ డిన్నర్ స్పెషల్ అని అడిగితే.. ‘ఫూల్ లా మాట్లాడకు.. నువ్వేమీ చిన్నపిల్లవు కావు’ అన్నాడంట. దీంతో అతని ఉద్దేశ్యం అర్ధమైన అమలాపాల్.. తన టీంను పిలిచి అతడిని ఆ స్టూడియోలోనే బంధించి.. మొత్తానికి పోలీసులకు అప్పగించింది. అయితే సుమారు అర గంటపాటు ఆ వ్యక్తి అక్కడక్కడే తచ్చాడటం. ఇందులో మరికొందరు హీరోయిన్లు కూడా ఉన్నారంటూ ఆమెతో చెప్పటం చూస్తుంటే ఇదో పెద్ద స్కాండల్ లాగానే కనిపిస్తోంది.

ఆ డిన్నర్ కు అటెండ్ అయ్యే ఇతర హీరోయిన్లు ఎవరు అన్నది ఇప్పుడు కోలీవుడ్ లో చర్చనీయాంశంగా మారింది. గతంలో ఓసారి ఓ నటి వ్యభిచారం నిర్వహిస్తూ పట్టుబడి పలువురు బడా స్టార్ల పేర్లు బయటపెట్టింది. అయితే అగ్రహీరోల చోరవతో ఆ విషయం అక్కడితోనే శుభం కార్డు పడగా.. సుచీ లీక్స్ తర్వాత ఇప్పుడు మరో వ్యవహారం తమిళ పరిశ్రమను కుదిపేసేలా కనిపిస్తోంది.