అజ్నాతవాసిలో వెంకీ సీన్ డబ్బింగ్.. వీడియో వైరల్

Posted: 01/12/2018 04:53 PM IST

ప‌వ‌న్ క‌ళ్యాణ్ అజ్ఞాత‌వాసి చిత్రంలో అగ్రనటుడు విక్ట‌రీ వెంక‌టేశ్ న‌టించిన విషయం తెలిసిందే. చిత్ర టైటిల్ కార్డ్స్ లో కూడా వెంకీకి స్పెషల్ థ్యాంక్స్ చెప్పారు. అయితే చిత్రం విడుదలయ్యాక ఆ సీన్ లేకపోవటంతో అభిమానులు నిరుత్సాహానికి గురయ్యారు. త్వరలో ఆ సన్నివేశాలను కలుపబోయే అవకాశం ఉన్నట్లు చెప్పకున్నాం కూడా.

కానీ, ఆ సీన్లను సంక్రాంతి నుంచే సినిమాకు యాడ్ చేయబోతున్నారు. ఈ సినిమా కోసం వెంక‌టేశ్, ప‌వ‌న్ క‌ల్యాణ్‌లు చెప్పిన డ‌బ్బింగ్‌ను హారిక అండ్ హాసిని క్రియేష‌న్స్ త‌మ ఫేస్‌బుక్ ఖాతాలో పోస్ట్ చేసింది.

విక్ట‌రీ వెంక‌టేశ్ ప‌క్క‌న ప‌వ‌న్ కల్యాణ్ కూర్చొని హుషారుగా డైలాగులు చెప్పారు.. విర‌గ‌బ‌డి నవ్వారు. 'గురువు గారూ.. గురువు గారు' అని ప‌వ‌న్ అన‌గా, 'గారు అక్క‌ర్లేద‌మ్మా.. గురు చాలు..' అని వెంక‌టేశ్ డైలాగ్ కొడ‌తాడు. 'నాక్కొంచెం తిక్కుంది' అని ప‌వ‌న్ అన‌గా, 'దానికో లెక్కుంది' అని, 'అదీ.. అదీ డైలాగు' అని వెంక‌టేశ్ అని ఫన్నీగా సాగిన ఆ వీడియోను మీరూ చూడండి. బహుశా పవన్ కు చిత్రంలో ఫైట్స్ ట్రెయినింగ్ ఇచ్చే గురువు పాత్రలో వెంకీ కనిపించబోతున్నాడేమోనని చెప్పుకుంటున్నారు.