అజ్నాతవాసి వివాదంపై ట్వీట్ చేసిన ఫ్రెంచ్ దర్శకుడు

Posted: 01/02/2018 06:46 PM IST

పవర్ స్టార్ పవన్ కళ్యాణ్ అజ్నాతవాసి గురించి గత కొన్ని రోజులుగా వార్తలు వస్తున్న విషయం తెలిసిందే. చిత్రం ఫ్రెంచ్ చిత్రానికి కాపీ అంటూ వార్తలు వినిపిస్తున్నాయి. ఈ మేరకు టీ సీరిస్ సంస్థ చిత్ర మేకర్లకు వివరణ కోరుతూ నోటీసులు పంపాయని.. విడుదల విషయంలో కూడా సంగ్ధిగ్ధం నెలకొందని చెప్పుకుంటున్నారు.

అయితే ఎవరూ ఊహించని రీతిలో ఓ ట్విస్ట్. ఈ చిత్ర ఒరిజినల్ అని చెప్పుకుంటున్న లార్గో వించ్ దర్శకుడు జెరోమె సల్లె ట్విట్టర్ లో రియాక్ట్ అయ్యాడు. చిత్రంపై ఎంతో ఆత్రుతతో ఉన్నట్లు అర్థం వచ్చేలా ఓ ట్వీట్ చేశాడు. దీంతో ఒక్కసారిగా సీన్ మారిపోయింది. టీ సిరీస్ ఈ చిత్ర వివాదంలో నోటీసులు పంపగా.. రానా మధ్యవర్తిత్వం వహిస్తున్నాడని ఓ వార్త కూడా జోరుగా చక్కర్లు కొడుతోంది.

ప్రస్తుతం సెన్సార్ పూర్తి చేసుకుని యూ బై ఏ సర్టిఫికెట్ పొందిన ఈ చిత్రం 9వ తేదీన యూఎస్ ప్రీమియర్ షో.. 10వ తేదీన తెలుగు రాష్ట్రాల్లో రిలీజ్ కానుంది. అంతకు ముందు 8వ తేదీన మెగా ఫ్యామిలీకి అజ్నాతవాసి స్పెషల్ ప్రీమియర్ షో వేయనున్నరానే టాక్ వినిపిస్తోంది.

I think I'm gonna buy a ticket (plane first than movie) #Curiosity #Agnyaathavaasi #LargoWinch

Pawan Kalyan's Agnyaathavaasi in copyright row: T-Series seeks explanation on plagiarism of Largo Winch https://t.co/ajeucceixd via @ibtimes_india

— Jérôme Salle (@Jerome_Salle) January 2, 2018