ఫీల్ గుడ్ సబ్జెక్ట్ తో పెళ్లి చూపులు దర్శకుడు

Posted: 12/23/2017 05:08 PM IST

టాలీవుడ్ లో చిన్న చిత్రంగా వచ్చి పెద్ద సక్సెస్ సాధించింది పెళ్లి చూపులు. ఈ చిత్రానికి దర్శకత్వం వహించిన తరుణ్ భాస్కర్ కు ప్రత్యేక ప్రశంసలు లభించాయి.  అనూహ్యమైన విజయం.. తెలుగు రాష్ట్రాలతో పాటు ఓవర్సీస్ లోను ఈ సినిమాకు ఆఖండ విజయం కట్టబెట్టింది. దీంతో ఈ చిత్ర దర్శకుడి నుంచి రాబోయే తదుపరి చిత్రం గురించి అప్పుడే అంచనాలు మొదలయ్యాయి. 

తరుణ్ భాస్కర్ కొత్త నటీనటులతో ఒక సినిమా చేయడానికి రంగాన్ని సిద్ధం చేస్తున్నాడు. సురేశ్ ప్రొడక్షన్స్ బ్యానర్ పై ఈ సినిమాను ఆయన తెరకెక్కించనున్నాడు. లాంగ్ జర్నీ నేపథ్యంలో సాగే రొమాంటిక్ మూవీ ఇది అని అంటున్నారు. స్నేహితులైన కొంతమంది అబ్బాయిలు .. అమ్మాయిలు దూర ప్రాంతానికి ప్రయాణాన్ని కొనసాగిస్తూ, ఆ ప్రయాణంలో తమని గురించి తాము తెలుసుకునే కథాంశంతో ఈ సినిమా తెరకెక్కుతుందట.

దాదాపు పది నెలల పాటు ఈ సినిమా స్క్రిప్ట్ పై కూర్చున్న తరుణ్ భాస్కర్, ఈ సినిమాను అద్భుతంగా తెరకెక్కించడం ఖాయమనే అభిప్రాయాలు వ్యక్తమవుతున్నాయి.