మహానటి లోగో పై కొత్త చర్చ

Posted: 12/07/2017 11:33 AM IST

నటి సావిత్రి 'మహానటి' పేరుతో దర్శకుడు నాగ అశ్విన్ తెరకెక్కిస్తున్న విషయం తెలిసిందే. సావిత్రి జయంతిని పురస్కరించుకుని నిన్న చిత్ర టైటిల్ లోగోను సర్ ప్రైజ్ అంటూ విడుదల చేశారు. సావిత్రి రోల్ లో కీర్తి సురేశ్ నటిస్తోన్న ఈ సినిమాలో జమున గా సమంత నటించబోతుందని చెప్పుకుంటున్నారు. దుల్కర్ సల్మాన్, మోహన్ బాబు, ప్రకాశ్ రాజు, షాలిని పాండే తదితరులు నటిస్తున్న ఈ చిత్రం వచ్చే ఏడాది మార్చి 29న విడుదల కాబోతోంది.

ఇన్నీ హంగులు ఉన్న ఈ చత్రం కోసం అభిమానులంతా ఆసక్తిగా ఎదురుచూస్తున్నారు. ఈ నేపథ్యంలో వదిలిన టైటిల్ లోగో పై ఇప్పుడు ఆసక్తికరమైన చర్చ మొదలైంది. చిత్ర బ్యాగ్రౌండ్ లో సావిత్రి వాయిస్ ఓవర్ వినిపించటంతోపాటు చివర్లో ఓ మాస్ బీట్ ను వదిలారు. సావిత్రి లాంటి సాఫ్ట్ హీరోయిన్ బయోపిక్ కు ఈ మ్యూజిక్.. పైగా క్లాసిక్ సంగీతాన్ని అందించే మిక్కీ జే మేయర్ నుంచి ఏ మాత్రం సూట్ కాలేదు. అయితే లోగోను హైలెట్ చేయటానికే ఈ పని చేశారని చెబుతున్నారు.

ఇక సావిత్రి మహానటి అన్నది ప్రత్యేకంగా చెప్పాల్సిన అవసరం లేదు. దానధర్మాలు చేయడం, అందరితో స్నేహపూర్వకంగా ఉండటం ఆమె మంచితనాన్ని మరింత పెంచిందంటారు. అలాంటి సావిత్రి .. వైవాహిక జీవితంలో ఎన్నో ఆటుపోట్లను ఎదుర్కొంది. ఆ బాధను మరిచిపోవడానికి చెడు వ్యసనాలకు బానిసై అనారోగ్యాన్ని కొనితెచ్చుకుని చనిపోయారు. అలాంటి వ్యక్తి బయోపిక్ లో నాగ్ అశ్విన్ దాపరికాలు లేకుండా చూపిస్తాడా? అన్నదే ఇప్పుడు అసలు పాయింట్.