పోటీ అఖిల్ తో కాదు.. సల్మాన్ తో... : నాని

Posted: 11/29/2017 03:49 PM IST

టాలీవుడ్ లో ఈ మధ్య పోటాపోటీగా హీరోల చిత్రాలు విడుదల అవ్వటం చూస్తున్నాం. కలెక్షన్ల పరంగా దారుణంగా దెబ్బతీస్తున్న ఈ రివాజును కొంత మంది వ్యతిరేకిస్తున్నప్పటికీ.. స్టార్ హీరోలు మాత్రం అస్సలు వెనక్కి తగ్గట్లేదు. ఈ నేపథ్యంలో హీరో నాని కొత్త చిత్రం ఎంసీఏ రిలీజ్ డేట్ ప్రకటించటం ఆసక్తికర చర్చకు దారితీసింది.

దిల్ రాజు నిర్మాణంలో .. వేణు శ్రీరామ్ దర్శకత్వంలో రూపొందిన 'మిడిల్ క్లాస్ అబ్బాయి' వచ్చేనెల 21వ తేదీన విడుదల కానుంది. ఆ మరుసటి రోజునే అఖిల్ మూవీ 'హలో' ప్రేక్షకుల ముందుకు రానుంది. ఈ నేపథ్యంలో బాక్సాఫీస్ దగ్గర నాని - అఖిల్ మధ్య వార్ జరగనుందని ఓసారి.. మరోసారి సినిమా ప్రీ రిలీజ్ అవుతోందని ఇలా మీడియాలో వార్తలు వస్తున్నాయి. ఇదిలా ఉండగా.. 21నే ఫిక్స్ అంటూ ఓ పోస్టర్ ను మేకర్లు విడుదల చేయగా.. ఐడల్ బ్రెయిన్ విశ్లేషకుడు జీవీ ఎంసీఏ వర్సెస్ అఖిల్ అంటూ ఓ ట్వీట్ చేశాడు.

దీనిపై స్పందించిన నాని.. జీవి గారు ఇది మా మధ్య పోటీ కాదు. యుద్ధం సల్మాన్ ఖాన్ తోనంటూ ట్వీట్ చేశాడు. ఈ క్రిస్మస్ కి 'మిడిల్ క్లాస్ అబ్బాయి' .. 'టైగర్'కి 'హలో' చెబుతాడు .. అది తెలుగు సినిమా పవర్ .. అని అన్నాడు. హిందీలో సల్మాన్ చేసిన 'టైగర్ జిందా హై' క్రిస్మస్ కానుకగా వచ్చేనెల 22వ తేదీన ప్రేక్షకుల ముందుకు వస్తోన్న సంగతి తెలిసిందే. తెలుగు హీరోల మధ్య ఎప్పుడూ ఐక్యత ఉంటుందంటూ అర్థం వచ్చేలా నాని చేసిన ఈ ట్వీట్ అందరి దృష్టిని ఆకర్షిస్తోంది.

It’s not a war between us jeevi gaaru .. it’s more like a war between us and Salman Khan :) This Christmas #MiddleClassAbbai will say #Hello to #Tiger ;)
Telugu cinema https://t.co/gs16N9cqqR

— Nani (@NameisNani) November 28, 2017