ఒక్క క్షణం ఫస్ట్ లుక్ పోస్టర్ విడుదల

Posted: 11/29/2017 02:12 PM IST

మెగా హీరోల్లో ప్రారంభంలో సక్సెస్ కోసం కష్టపడ్డ అల్లు శీరీష్ ఆ తర్వాత శ్రీ రస్తు శుభమస్తు సక్సెస్ తో హిట్ ట్రాక్ ఎక్కాడు. ప్రస్తుతం వరుసగా ప్రాజెక్టులను అంగీకరిస్తూ కెరీర్లో దూసుకుపోతున్నాడు. ఈ క్రమంలో 'ఎక్కడికి పోతావు చిన్నవాడా' దర్శకుడు వి.ఐ. ఆనంద్ తో తర్వాతి సినిమాలో నటిస్తున్నాడు. అదే 'ఒక్క క్షణం'. ఈ సినిమా ఫస్టులుక్ ను ఈ ఉదయమే రిలీజ్ చేశారు.

కథానాయికకి అండగా నిలబడి, శత్రువుల దాడిని ధైర్యంగా ఎదుర్కొంటున్నవాడిగా ఈ పోస్టర్ లో అల్లు శిరీష్ కనిపిస్తున్నాడు. ఫస్టులుక్ తోనే అందరిలో కుతూహలాన్ని కలిగించడంలో దర్శకుడు సక్సెస్ అయ్యాడనే చెప్పాలి. ఈ రొమాంటిక్ థ్రిల్లర్ లో సురభితో పాటు గ్లామర్ డాల్ సీరత్ కపూర్ కూడా కథానాయికగా నటిస్తోంది. చక్రి చిగురుపాటి నిర్మిస్తోన్న ఈ సినిమాకి, మణిశర్మ సంగీతాన్ని సమకూర్చాడు.

ఈ చిత్రాన్ని డిసెంబర్ 23న విడుదల చేద్దామని భావించినప్పటికీ.. షూటింగ్ ఇంకా పూర్తి కాకపోవటంతో మరోసారి వాయిదా పడే అవకాశమే ఎక్కువగా కనిపిస్తోంది. ఇదే కాకుండా బొమ్మరిల్లు భాస్కర్ తో ఓ ప్రాజెక్టుతోపాటు పలు దక్షిణ భాషల చిత్రాల్లోనూ కొత్త ప్రాజెక్టులు చేసేందుకు శీరీష్ ఓకే చెప్పినట్లు తెలుస్తోంది.