తేజూ ఫ్రెండ్ షిప్ గురించి సందీప్

Posted: 11/14/2017 06:58 PM IST

చాలా కాలంగా హిట్ కు దూరమైన హీరో సందీప్ కిషన్ కేరాఫ్ సూర్యతో మంచి హిట్ అందుకున్నాడు. అయితే కలెక్షన్ల పరంగానే ఫర్వాలేదనిపించేలా సందీప్ వసూళ్లు రాబట్టాడు. ప్రస్తుతం ఆ సక్సెస్ ను ఎంజాయ్ చేస్తున్న సందీప్ వరుస ఇంటర్వ్యూలు ఇస్తున్నాడు.

ఈ క్రమంలో చాలా ఆసక్తికర విషయాలు చెబుతున్నాడు. తన వయసు వాళ్లలో నటీ నటులు సాయి ధరమ్ తేజ్, రెజీనా, రకుల్ అంటే తనకు బాగా ఇష్టమని ప్రముఖ హీరో సందీప్ కిషన్ చెప్పాడు.‘ఐ డ్రీమ్’ ఇంటర్వ్యూలో సందీప్ కిషన్ మాట్లాడుతూ, ‘సాయి ధరమ్ తేజ్ అంటే నాకు ప్రాణం. నా నుంచి ఎటువంటి ఆశింపు లేకుండా నాకు సాయం చేసిన వ్యక్తి సాయి ధరమ్ తేజ్. నేను మానసికంగా చాలా ఇబ్బంది పడుతున్న పరిస్థితుల్లో నాకు చాలా సాయం చేశాడు. అప్పటికీ, సాయి ధరమ్ తేజ్ నాకు అంత సన్నిహితంగా లేడు. ఓసారి, చాలా కష్టమైన పరిస్థితి నుంచి నన్ను బయటపడేసింది వాడే. ఆ క్షణంలో వాడు లేకపోతే నేను ఏమై పోయేవాడిని నాకు తెలియదు. అని సందీప్ చెప్పాడు.

నటుడు రాహుల్ రవీంద్ర జెమ్ పేరు ప్రస్తావిస్తూ... అలాంటి వాళ్లు పుట్టడమే కష్టం. చాలా మంచి మనిషి..నికార్సయిన వ్యక్తి. ఎవరికీ చెడు జరగాలని కోరుకోడు. ఏదీ నెగెటివ్ గా తీసుకోడన్నాడు. ఆ తర్వాత, నటుడు ఆది, నా మధ్య తెలియని అనుబంధం ఉంది. కృష్ణ వంశీగారితో సినిమా చేసిన తర్వాత, అందరిలో మంచి చూడటం మాత్రమే నేను నేర్చుకున్నా. సాయిధరమ్ తేజ్, రాహుల్ రవీంద్ర, రెజీనా, ఆది వీళ్లందరితో నేను చాలా క్లోజ్ గా ఉంటాను’ అని చెప్పుకొచ్చాడు.